تارىختىكى بۈگۈن:11-دېكابىر

يىل 1936، 11-دېكابىر...

ئەنگلىيە پادىشاھى 8-ئېدۋارد  ۋوللىس سىمپسون (Wallis Simpson) بىلەن بىللە بولۇش ئۈچۈن تەختتىن ۋاز كەچتى. پادىشاھ 8-ئېدۋارد بۇ قارارىدىن ئۈچ ئاي بۇرۇن تۈركىيەنى زىيارەت قىلىپ، جۇمھۇر رەئىس مۇستاپا كامال ئاتاتۈرك بىلەن كۆرۈشكەن ئىدى.

1987-يىلى 11-دېكابىر، «ھابابام سىنىپى»، «خۇشال كۈنلەر» ۋە «توسۇن پاشا» قاتارلىق فىلىملەردە رول ئالغان ئادىلە ناشىت ئىستانبۇلدا بۇ دۇنيا بىلەن خوشلاشتى.

1994-يىلى 11-دېكابىر، ئۆز ئالدىغا مۇستەقىللىق جاكارلىغان چېچىنىيەگە قارشى رۇسىيە ئارمىيەسى ھەرىكەتكە ئۆتتى. رۇسلا يۈزلەرچە تانكىلار بىلەن شەھەرلەرنى ئىشغال قىلىشقا باشلىدى. چېچەنلەر بولسا، پارتىزانلىق ئۇرۇشى بىلەن، رۇسىيە ئارمىيەسىنى توختاتتى. 1-قېتىملىق رۇسىيە-چېچىنىيە ئۇرۇشى 1996-يىلى 30-ئاۋغۇست ئىمزالانغان ھاساۋ-يۇرت كېلىشىمى بىلەن ئاخىرلاشتى.

1999-يىلى 11-دېكابىر، ياۋروپا ئىتتىپاقى دۆلەت ۋە ھۆكۈمەت باشلىقلىرى يىغىنىدا، تۈركىيەگە ئەزالىق ئۈچۈن نامزات سالاھىيىتى بېرىلدى. خېلسىنكى يىغىنىنىڭ ئاخىرقى كۈنىدە يىغىنغا قاتناشقان سابىق باش مىنىستىر بۈلەنت ئەجەۋىت ياۋروپا ئىتتىپاقى رەھبەرلىرى بىلەن رەسىمگە چۈشتى.