tarixtiki bügün: 13 – yanwar

bügün 2020 – yili 13 – yanwar - düshenbe, töwende ilker tashqin teripidin teyyarlanghan «tarixtiki bügün» namliq pirogrammini diqqitinglargha sunimiz.

tarixtiki bügün: 13 – yanwar

■ 1920 – yili  13 – yanwarda izmirning girétsiye armiyesi teripidin ishghal qiliwélinishigha qarshi istanbulda büyük sultan ehmet yighilishi ötküzüldi. 150 ming etrapida adem toplinip ishghalgha naraziliq bildürgen yighilishta, shair mehmet emin yurdaqul, hamdullah suphi tanriöwer we xalide edip adiwar qatarliqlarmu notuqliri arqiliq alahide diqqetni tartti.

 

 

■ 1966 – yili  13 – yanwarda amérika pirézidénti lyondon b.jonsonning 1964 – yili öz dewrining bash ministiri ismet inönüge yollighan türkiye – amérika munasiwetlirige éghir zerbe bergen «jonson mektupi» tunji qétim metbuattin orun aldi. amérika pirézidénti jonsonning ikki yil boyiche xelqtin yoshurun tutulghan mektupida, türkiye qibrisqa mudaxile qilghan teqdirde amérika qorallirini ishlitishke bolmaydighanliqi qeyt qilinghanidi. mektupta yene, sowét sotsiyalistik jumhuriyetler ittipaqi türkiyege herbiy mudaxile qilghan teqdirde, nato kélishimining küchke ige bolmaydighanliqimu tekitlengenidi. ismet inönüning bu mektupqa qayturghan jawabi bolsa, «dunya yéngidin quruluwatidu, türkiyemu u dunyadiki ornini alidu» dégendin ibaret boldi.

 

 

■ 2012 – yili  13 – yanwarda shimaliy qibris türk jumhuriyitining qurghuchi jumhur reisi rauf denktash 88 yéshida alemdin ötti. denktashning jesiti 17 – yanwarda ötküzülgen depne murasimidin kéyin jumhuriyet baghchisidiki xatire qebristanliqigha depne qilindi.

 

 



مۇناسىۋەتلىك خەۋەرلەر