tarixtiki bügün: 20 – noyabir

bügün 2019 – yili, 20– noyabir, chashenbe.

• 1910 – yili bügünki künde, «urush we tinchliq» we « Anna Karenina» namliq romanlarning yazghuchisi léw tolstoy alemdin ötti.
• 1922 – yili bügünki künde, türkiyening musteqil bir dölet süpitide dunyadiki tégishlik ornini élishida muhim rol oynaydighan «lozan tinchliq konféransi» ning resmiy échilshi shiwéytsariyening lozan shehiride ishqa ashuruldi. konféransqa türkiyege wekaliten tashqi ishlar ministiri ismet inönü qatnashti.
• 1938 – yili bügünki künde, 10 – noyabir küni istanbulda alemdin ötken mustapa kamal atatürkning méyiti enqerege yétip keldi, hemde enqereliklerning axirqi qétimliq hörmet bildürüsh wezipilirini ada qilishi üchün türkiye büyük millet mejlisining aldidiki méyit tawutigha qoyuldi.
• 1945 – yili bügünki künde, ikkinchi dunya urushidin kéyin qolgha chüshürülgen natsist urush jinayetchilirining sotlinishi nurnbérg sot mehkimiside  bashlandi.
• 1959 – yili bügünki künde, birleshken döletler teshkilati «balilarning heq – hoquqlirini qoghdash xitabnamisi» ni élan qildi. aridin toluq 30 yil ötkendin kéyin yene 20 – dékabir küni «balilarning heq – hoquqlirini qoghdash shertnamisimu birleshken döletler teshkilati teripidin qobul qilindi.
• 1962 – yili bügünki künde, amérika qoshma ishtatliri «bashqurulidighan bomba kirizisi» arqiliq kubagha yolgha qoyuwatqan herbiy qamalni bikar qildi.
• 1975 – yili bügünki künde, ichki urushtin kéyin hakimiyetni tartiwalghan döliti ispaniyeni uda 36 yil diktatorluq bilen bashqurghan général franko madridta öldi.
• 1994 – yili bügünki künde, istanbulda ötküzülgen dunya éghirliq kötürüsh musabiqside naim sulaymanoghlu 5 dunya rékortini buzup tashlap, 3 altun médalgha érishti.
• 1998 – yili bügünki künde, rusiyedin qanunsiz halda italiye chégrasidin ötüsh aldida turuwatqanda qolgha chüshken bölgünchi térrorluq teshkilati p k k ning kattibéshi abdullah öjelan italiye teripidin qoyup bérildi.
• 2003 – yili bügünki künde, elqaide térrorchiliri istanbuldiki HSBC  bankisi bash idarisi bilen beyoghludiki engliye konsulxanisigha birla waqitta bomba hujumi élip bardi. hujumlarda 30 kishi hayatidin ayrildi, 400 din artuq kishi yarilandi.