тарихтики бүгүн: 20 – нойабир

бүгүн 2019 – йили, 20– нойабир, чашәнбә.

• 1910 – йили бүгүнки күндә, «уруш вә тинчлиқ» вә « Anna Karenina» намлиқ романларниң йазғучиси лев толстой аләмдин өтти.
• 1922 – йили бүгүнки күндә, түркийәниң мустәқил бир дөләт сүпитидә дунйадики тегишлик орнини елишида муһим рол ойнайдиған «лозан тинчлиқ конферанси» ниң рәсмий ечилши шивейтсарийәниң лозан шәһиридә ишқа ашурулди. конферансқа түркийәгә вәкалитән ташқи ишлар министири исмәт инөнү қатнашти.
• 1938 – йили бүгүнки күндә, 10 – нойабир күни истанбулда аләмдин өткән мустапа камал ататүркниң мейити әнқәрәгә йетип кәлди, һәмдә әнқәрәликләрниң ахирқи қетимлиқ һөрмәт билдүрүш вәзипилирини ада қилиши үчүн түркийә бүйүк милләт мәҗлисиниң алдидики мейит тавутиға қойулди.
• 1945 – йили бүгүнки күндә, иккинчи дунйа урушидин кейин қолға чүшүрүлгән натсист уруш җинайәтчилириниң сотлиниши нурнберг сот мәһкимисидә  башланди.
• 1959 – йили бүгүнки күндә, бирләшкән дөләтләр тәшкилати «балиларниң һәқ – һоқуқлирини қоғдаш хитабнамиси» ни елан қилди. аридин толуқ 30 йил өткәндин кейин йәнә 20 – декабир күни «балиларниң һәқ – һоқуқлирини қоғдаш шәртнамисиму бирләшкән дөләтләр тәшкилати тәрипидин қобул қилинди.
• 1962 – йили бүгүнки күндә, америка қошма иштатлири «башқурулидиған бомба киризиси» арқилиқ кубаға йолға қойуватқан һәрбий қамални бикар қилди.
• 1975 – йили бүгүнки күндә, ички уруштин кейин һакимийәтни тартивалған дөлити испанийәни уда 36 йил диктаторлуқ билән башқурған генерал франко мадридта өлди.
• 1994 – йили бүгүнки күндә, истанбулда өткүзүлгән дунйа еғирлиқ көтүрүш мусабиқсидә наим сулайманоғлу 5 дунйа рекортини бузуп ташлап, 3 алтун медалға еришти.
• 1998 – йили бүгүнки күндә, русийәдин қанунсиз һалда италийә чеграсидин өтүш алдида туруватқанда қолға чүшкән бөлгүнчи террорлуқ тәшкилати п к к ниң каттибеши абдуллаһ өҗәлан италийә тәрипидин қойуп берилди.
• 2003 – йили бүгүнки күндә, әлқаидә террорчилири истанбулдики HSBC  банкиси баш идариси билән бәйоғлудики әнглийә консулханисиға бирла вақитта бомба һуҗуми елип барди. һуҗумларда 30 киши һайатидин айрилди, 400 дин артуқ киши йариланди.