تارىختىكى بۈگۈن: 14.03.2019
فەراي ئۇز تەرىپىدىن تەييارلانغان «تارىختىكى بۈگۈن» ناملىق پىروگراممىمىزنى ھۇزۇرۇڭلارغا سۇنىمىز.
بۈگۈن 2019 – يىلى 14 – مارت
1827 – يىلى 14 – مارتتا، سولتان 2 – مەھمۇد دەۋىردە تۈركىيە تارىخىنىڭ تۇنجى تىببىي فاكۇلتېتى «مەكتەبى تىببىيە شاھانە» قۇرۇلغان ئىدى.
1843 – يىلى تۇنجى قارا ئوقۇغۇچىلىرى ئوقۇش پۈتتۈردى. 4 ئوقوغۇچى 1848 – يىلى ۋىيانادىكى تىببىي ئىمېتىھاندىن ئۇتۇغلۇق بىلەن ئۆتكەندىن كېيىن، فاكۇلتېتنىڭ دېپلومىسى ياۋروپادىكى تىببىي فاكۇلتېتلار بىلەن تەڭ دەرىجىلىك ھېسابلىنىشقا باشلاندى. 1919 – يىلىدىن تارتىپ «مەكتەبى تىببىيە شاھانە» نىڭ قۇرۇلغان ۋاقتى ھەر يىلى تىببىي بايرام سۈپىتىدە تەبرىكلىنىشكە باشلاندى. بۇ قارار ھېكمەت ئوران باشچىلىقىدىكى سەھىيە خادىملىرىنىڭ ئىمپېرىيالىست كۈچلەرگە قارشى كۆكرەك كېرىپ مەيدانغا چىققانلىقى سەۋەبىدىن ماقۇللانغان ئىدى. شۇنىڭدىن بۇيان ھەر يىلى 14 - مارت كۈنى تىببىي بايرام سۈپىتىدە تەبرىكلىنىپ كەلمەكتە.
1980 – يىلى 14 – مارتتا ئامېرىكا ھاۋا ئارمىيەسىگە تەۋە بىر ھەربىي تىرانسپورت ئايروپىلانى ئىنجىرلىق ھاۋا ئارمىيە بازىسىغا قونۇش جەريانىدا چۈشۈپ كېتىپ، 18 ئامېرىكا ئەسكىرى ئۆلگەن ئىدى.
2000 – يىلى 14 – مارتتا ئېغىرلىق كۆتۈرۈش ماھىرىمىز نائىم سۇلايمانئوغلۇ ئەنقەرەدە ئۆتكۈزۈلگەن مۇسابىقىدا 145 كېلونى كۆتۈرۈپ، غەيرى رەسمىي ھالدا دۇنيا رېكورتىنى بۇزۇپ تاشلىغان ئىدى.
1883 – يىلى 14 – مارتتا گېرمانىيەلىك پەلسەپەچى ۋە سىياسىي ئىقتىسادشۇناش كارىل ماركىس ئۆلدى. دۇنيا ئىقتىسادىغا ئالاقىدار كلاسسىك ئەسەرلەردىن بىرسى بولغان «Das Kapital» نىڭ يازغۇچىسى كارىل ماركىس لونداندا ۋەتەنسىز بىر كىشى سۈپىتىدە ئۆلگەن ئىدى.
2018 – يىلى 14 – مارتتا ئەنگلىيەلىك فىزېكا ئالىمى ۋە ئالەم بوشلۇقى مۇتەخەسسىسى، ئاستىرونوم، نەزىرىيەچى يازغۇچى ستىپېن ھاۋكىڭ ئۆلگەن ئىدى.
مۇناسىۋەتلىك خەۋەرلەر
تارىختىكى بۈگۈن: 31 – دېكابىر
ئىلكەر تاشقىن تەرىپىدىن تەييارلانغان «تارىختىكى بۈگۈن» ناملىق پىروگراممىمىز ھۇزۇرۇڭلاردا...