تارىختىكى بۈگۈن: 24.01.2019
فەراي ئۇز تەرىپىدىن تەييارلانغان «تارىختىكى بۈگۈن» ناملىق پىروگراممىمىزنى ھۇزۇرۇڭلارغا سۇنىمىز.
بۈگۈن 2019 – يىلى 24 - يانۋار.
1946 – يىلى 24 – يانۋاردا ب د ت خەلقئارا ئاتوم ئېنېرگىيە كومىتېتى قۇرۇلدى. ب د ت نىڭ ئومۇمىي كېڭىشى يىغىنى لوندوندا تۇنجى قېتىم چاقىرىلغىنىدا، ئامېرىكا، ئەنگلىيە، رۇسىيە، فىرانسىيە ۋە خىتاي بىرلىكتە خەلقئارا ئاتوم ئېنېرگىيە كومىتېتى قۇرۇلۇش تەكلىپىنى سۇنغان بولۇپ، تەكلىپ قوبۇل قىلىنىپ، خەۋپسىزلىك كېڭىشىگە ئەزا 11 دۆلەت بىلەن كانادا بۇ كومىتېتنى قۇرۇپ چىققان ئىدى.
1993 – يىلى 24 - يانۋاردا يازغۇچى ۋە ژۇرنالىست ئۇغۇر مۇمجۇ ئەنقەرەدە ئۆيىنىڭ ئالدىدا ئاپتوموبىلىغا ئورۇنلاشتۇرۇلغان بومبىنىڭ پارتلىشى نەتىجىسىدە، ھاياتىدىن ئايرىلغان ئىدى. ئارىدىن 24 يىل ئۆتكەن بولسىمۇ بۇ سۇيىقسەت تېخىچە ئېنىقلانمىدى.
1994 – يىلى 24 - يانۋاردا تۈركىيەنىڭ تۈنجى خەۋەرلىشىش سۇنئىي ھەممراھى «Türksat 1A» قويۇپ بېرىلگەن ئىدى. ھاۋاغا كۆتۈرۈلۈپ، 12 مىنۇت 12 سىكۇنت ئۆتكەندىن كېيىن ئوكيانۇسقا چۈشۈپ كەتكەن ئىدى.
2001 – يىلى 24 – يانۋاردا دىياربەكىر ساقچى ئىدارسى باشلىقى غاففار ئاككان 4 قوغدۇغۇچىسى ۋە شوپۇرى بىلەن قوراللىق ھۇجۇمغا ئۇچراپ ۋاپات بولدى. قانچىلىغان يىللارغىچە ھەم پ ك ك تېررورلۇق تەشكىلاتىغا قارشى، ھەم ھىزبۇللاھقا قارشى كۈرەشكە ئىنتايىن مۇھىم تۆھپىلەرنى قوشقان ئىدى.
2004 – يىلى 24 – يانۋاردا ناسانىڭ «Opportunity» دەپ نام بەرگەن قوشماق كېمىسى مارسقا قۇندى. مارسنى تەكشۈرگۈچى «B» ياكى «MER-B» دەپمۇ ئاتىلىدىغان بۇ كېمىلەر ناسانىڭ مارسنى تەكشۈرۈش پىروگراممىسىنىڭ بىر پارچىسى سۈپىتىدە، 2003 – يىلى 7 – ئىيۇلدا قويۇپ بېرىلگەن ئىدى.
مۇناسىۋەتلىك خەۋەرلەر
تارىختىكى بۈگۈن: 31 – دېكابىر
ئىلكەر تاشقىن تەرىپىدىن تەييارلانغان «تارىختىكى بۈگۈن» ناملىق پىروگراممىمىز ھۇزۇرۇڭلاردا...