زەينەپ سۆنمەز مېكسىكادا رېكورت ياراتتى

تۈركىيە ئاۋازى رادىيوسى خەۋىرى: تۈركىيە ئاياللار تېننس توپ ماھىرى زەينەپ سۆنمەز دۇنيا ئاياللار تېننس توپ بىرلەشمىسى (WTA) نىڭ مېكسىكادا ئۆتكۈزۈلگەن ھەل قىلغۇچ مۇسابىقىسىدە، ئامېرىكالىق رەقىبى ئەن لىنى (Ann Li) نى 2 گە قارشى 6 ۋە 1 گە قارشى 6 نومۇر بىلەن ئارقا-ئارقىدىن يىڭىپ،  «WTA 250» چېمپىيونلۇقىنى قولغا كەلتۈردى.

ئاياللار تېننس توپ ماھىرى زەينەپ سۆنمەز بۇ نەتىجىسى بىلەن، چاغلا بۈيۈكچايدىن كېيىن، دۇنيا تېننس توپ بىرلەشمىسى چېمپىيونلۇقىدا يەككە كىشىلىك مۇسابىقىدە چېمپىيونلۇقنى قولغا كەلتۈرگەن ئىككىنچى تۈرك ماھىر بولۇپ قالدى.

ئۇنىڭ مۇۋەپپەقىيىتى، دۇنيا ئاياللار تېننس توپ بىرلەشمىسىنىڭ رەت تەرتىپىدە ئالدىنقى 100 ماھىرنىڭ ئىچىگە كىرىشىگە ۋەسىلە بولدى.