تۈركىيە-ئىسلاندىيە مۇسابىقىسى ئىزمىردە ئۆتكۈزۈلىدۇ

تۈركىيە ئاۋازى رادىيوسى خەۋىرى: تۈركىيە پۇتبول كوماندىسى ياۋروپا پۇتبول فېدېراتسىيەلەر بىرلەشمىسى (UEFA) دەرىجىدىن تاشقىرى بىرلەشمە مۇسابىقىسىدە تۇنجى غەلىبىسى ئۈچۈن بۈگۈن (9-سېنتەبىر) ئىزمىردە ئىسلاندىيە كوماندىسى بىلەن مۇسابىقىگە چۈشىدۇ.

مۇسابىقە، ئىزمىرنىڭ ئازادلىق كۈنى بولغان 9-سېنتەبىر گۈرسەل ئاكسەل تەنتەربىيە مەيدانىدا ئەنقەرە ۋاقتى 21.45، ئۈرۈمچى ۋاقتى 00.45 باشلىنىدۇ. مۇسابىقىگە، ئالبانىيەلىك ئېنىيا يورجى رېپېرلىق قىلىدۇ.

تۈركىيە پۇتبول كوماندىسى ئىسلاندىيە كوماندىسى بىلەن جەمئىي 14 قېتىم مۇسابىقىگە چۈشكەن بولۇپ، بۇنىڭ ئىككى قېتىملىقىدا تۈركىيە كوماندىسى، سەككىز قېتىملىقىدا ئىسلاندىيە كوماندىسى ئۇتتى. ئۈچ قېتىملىق مۇسابىقىدە تەڭلىشىپ قالدى.

گۇرۇپپىدىكى قاراتاغ كوماندىسى بىلەن گاللېر كوماندىسىنىڭ مۇسابىقىسىمۇ، ئەنقەرە ۋاقتى 21.45، ئۈرۈمچى ۋاقتى 00.45 باشلىنىدۇ.