trabzonspor-baséli musabiqisi güzel sheyilerni hés qildurdi

türkiye awazi radiyosi xewiri: trabzonspor komandisining téxnika térénéri abdullah awji trabzonspor-baséli musabiqisidin kéyin ötküzülgen muxbirlarni kütüwélish yighinida: «türkiyening her qaysi jayliridiki tamashibinlar qaysi komandining mestanisi bolushidin qetiynezer, trabzonspor komandisini qollidi. musabiqisi körgili kelgen her qaysi kulubning bashliqlirigha, taratqularda bizni qollighanlargha, musabiqini neq meydandin körgen fenerbahche, beshiktash, malatya, adiyaman komandilirining mestanilirigha rehmet éytimen, sehnilerde ularning bayriqini körüsh kishini xushal qilidu. putbolning jemiyetni yaxshilash, ittipaqlashturush roli bar. dölitimiz bashtin kechürüwatqan bu qiyinchiliq künlerde, kishilerning kichikkine bolsimu külümsirishige wesile bolalisaq, bu bizning eng chong xushalliqimiz bolidu» dédi.

u baséli komandisi bilen ötküzülidighan ikkinchi qétimliq musabiqidin kéyin, apetke uchrighanlargha yardem qilish meqsitide gérmaniyede mexsus musabiqe ötküzülidighanliqini bildürdi.