ترابزونسپور-باسېلى مۇسابىقىسى گۈزەل شەيئىلەرنى ھېس قىلدۇردى

تۈركىيە ئاۋازى رادىيوسى خەۋىرى: ترابزونسپور كوماندىسىنىڭ تېخنىكا تېرېنېرى ئابدۇللاھ ئاۋجى ترابزونسپور-باسېلى مۇسابىقىسىدىن كېيىن ئۆتكۈزۈلگەن مۇخبىرلارنى كۈتۈۋېلىش يىغىنىدا: «تۈركىيەنىڭ ھەر قايسى جايلىرىدىكى تاماشىبىنلار قايسى كوماندىنىڭ مەستانىسى بولۇشىدىن قەتئىينەزەر، ترابزونسپور كوماندىسىنى قوللىدى. مۇسابىقىسى كۆرگىلى كەلگەن ھەر قايسى كۇلۇبنىڭ باشلىقلىرىغا، تاراتقۇلاردا بىزنى قوللىغانلارغا، مۇسابىقىنى نەق مەيداندىن كۆرگەن فەنەرباھچە، بەشىكتاش، مالاتيا، ئادىيامان كوماندىلىرىنىڭ مەستانىلىرىغا رەھمەت ئېيتىمەن، سەھنىلەردە ئۇلارنىڭ بايرىقىنى كۆرۈش كىشىنى خۇشال قىلىدۇ. پۇتبولنىڭ جەمئىيەتنى ياخشىلاش، ئىتتىپاقلاشتۇرۇش رولى بار. دۆلىتىمىز باشتىن كەچۈرۈۋاتقان بۇ قىيىنچىلىق كۈنلەردە، كىشىلەرنىڭ كىچىككىنە بولسىمۇ كۈلۈمسىرىشىگە ۋەسىلە بولالىساق، بۇ بىزنىڭ ئەڭ چوڭ خۇشاللىقىمىز بولىدۇ» دېدى.

ئۇ باسېلى كوماندىسى بىلەن ئۆتكۈزۈلىدىغان ئىككىنچى قېتىملىق مۇسابىقىدىن كېيىن، ئاپەتكە ئۇچرىغانلارغا ياردەم قىلىش مەقسىتىدە گېرمانىيەدە مەخسۇس مۇسابىقە ئۆتكۈزۈلىدىغانلىقىنى بىلدۈردى.