аргентина-киродийә йерим һәл қилғуч мусабиқиси бүгүн өткүзүлиду

түркийә авази радийоси хәвири: қатарда өткүзүлүватқан дунйа лоңқисиниң биринчи һәл қилғуч мусабиқиси доһадики лусайил тәнтәрбийә мәйданида өткүзүлиду. мусабиқә бүгүн (13-декабир) әнқәрә вақти 22.00, үрүмчи вақти 14-декабир 01.00 дә башлиниду. мусабиқигә италийәлик данийиле орсато (Daniele Orsato) реперлиқ қилиду.

мусабиқә җәрйанини 1- т р т, 4K -т р т қанал екранлири вә trtspor.com.tr адресидин көргили болиду.

бу мусабиқидә утқан команда, маракәш-фирансийә мусабиқисидә ғәлибә қилған команда билән һәл қилғуч мусабиқигә чүшиду.

бу қетимқи мусабиқә, аргентина командиси билән киродийә командисиниң дунйа лоңқиси тарихида үчинчи қетим бир-бири билән учришиши болуп қалиду. 1994-йили дунйа лоңқисида гуруппидин чиқиш мусабиқисидә, аргентина командиси 0 гә қарши 1 нәтиҗә билән киродийә командисини утқан иди. 2018-йили русийәниң саһибханлиқида өткүзүлгән дунйа лоңқисида, киродийә командиси аргентина командисини 0 гә қарши 3 нәтиҗә билән йәңгән иди.