ئانتاليا ياۋروپا بىليارت چېمپىيونلۇقىغا ساھىبخانلىق قىلدى

تۈركىيە ئاۋازى رادىيوسى خەۋىرى: تۈركىيە دۆلەتلىك بىليارت ماھىرى ئەيلۈل كىبارئوغلۇ گوللاندىيە ماھىرى تامارا رادېماماكېرس بىلەن ھەل قىلغۇچ مۇسابىقىگە چۈشتى.

ئۇ تامارا رادېماماكېرسنى 2 گە قارشى 6 نومۇر بىلەن مەغلۇب قىلدى.

ئەيلۈل كىبارئوغلۇ 2007-يىلى چېخىيەدە ئۆتكۈزۈلگەن ياۋروپا بىليارت چېمپىيونلۇقىدىمۇ ئالتۇن مېدالغا ئېرىشكەن بولۇپ، بۇ ئۇنىڭ ئىككىنچى قېتىم ئالتۇن مېدالغا ئېرىشىشنىڭ خۇشاللىقىنى ياشىشى ھېسابلىنىدۇ.

ئەيلۈل كىبارئوغلۇ: «ئۆزىمىزنىڭ ئۆيىدە ئالتۇن مېدالغا ئېرىشكەنلىكىم ئۈچۈن ناھايىتى خۇشالمەن ۋە ئۆزەمنى ناھايىتى شەرەپلىك ھېس قىلدىم. ئەمدىكى نۆۋەت دۇنيا چېمپىيونى بولۇش» دېدى.