بۇسە ناز ئاياللار بوكس تۈرىدە چارەك قىلغۇچ مۇسابىقىگە چۈشىدۇ

تۈركىيە ئاۋازى رادىيوسى خەۋىرى: تۈركىيە ئاياللار بوكس ماھىرى بۇسە ناز كوكۇگىكان تەنتەربىيە مەيدانىدا، ئۆزبېكستان ماھىرى تۇرسۇنوي راخىموۋا بىلەن رىقابەتلەشتى. 25 ياشلىق تۈركىيە ئاياللار بوكس ماھىرى بۇسە ناز ئۆزبېكستانلىق رەقىبىنى 2 گە قارشى 3 نەتىجە بىلەن يىڭىپ، چارەك ھەل قىلغۇچ مۇسابىقىگە چۈشۈش سالاھىيىتىنى قولغا كەلتۈردى.

بۇسە ناز چارەك ھەل قىلغۇچ مۇسابىقىسىدە، فىلىپپىنلىق ماھىر ئايرىش ماگنونى 0 گە قارشى 5 نەتىجە بىلەن يەڭگەن تايلاندلىق ماھىر جۇتاماس جىتپوڭ بىلەن مۇسابىقىگە چۈشىدۇ.

بۇسە نازنىڭ چارەك ھەل قىلغۇچ مۇسابىقىسى 2021-يىلى 1-ئاۋغۇست (يەكشەنبە) ئەنقەرە ۋاقتى 05:00، ئۈرۈمچى ۋاقتى 08:00 دە باشلىنىدۇ. ئۇ رەقىبىنى يەڭگەن ئەھۋالدا يېرىم ھەل قىلغۇچ مۇسابىقىگە چۈشۈش سالاھىيىتىگە ئېرىشىدۇ.