shimaliy koréye tokyo olimpik musabiqisige qatnashmaydighanliqini uqturdi

türkiye awazi radiyosi xewiri: kiyodo agéntliqi, shimaliy koréyening 7 - ayda ötküzülüshi pilanliniwatqan tokyo olimpik tenheriket musabiqisidin chékinip chiqqanliqini uqturghan tunji dölet bolghanliqini xewer qildi.

shimaliy koréye olimpik komitéti, qararning tenheriketchilerni kowid  - 19 yuqumidin saqlash meqsitide chiqirilghanliqini uqturdi.

tokyo olimpik musabiqilirini retlesh - orunlashturush komitéti emeldari shimaliy koréyening qarari toghrisida toxtilip: «perez qilmighanduq, tuyuqsizla élan qilindi» dédi.

jenubiy koréye birlikke keltürüsh ministirliqining bayanatida bolsa: «hökümitimiz tokyo olimpik tenheriket musabiqisining koréyeliklerning özara uyushushchanliqi we hemkarliqini kücheytish bilen birge koréye yérim arilida tinchliq ornitish üchün bir purset bolushini ümid qilidu» dégen ibarilerge orun bérildi.

ilgiri 2020 - yili 7 - ayning 24 - künidin 8 – ayning 9 - künigiche ötküzülmekchi bolghan bolsimu yuqum sewebidin kéchiktürülgen 2020 - yilliq tokyo olimpik tenheriket musabiqisining 2021 - yili 23 - iyuldin 8 - awghustqiche ötküzülüshi qarar qilinghanidi.