erdoghan wébogha qilinghan irqchi sözlerge naraziliq bildürdi
jumhur reis rejep tayyip erdoghan «irqchi sözler»ge naraziliq bildürdi.
türkiye awazi radiyosi xewiri: jumhur reis erdoghan, médipol bashaqshehir komandisining yawropa putbol birleshmisi chimpéyonluqni talishish musabiqisi H guruppisining altinchi heptisidiki parizh saint gérmain komandisi bilen oynighan musabiqide tötinchi ripirning yardemchi meshqawul piérré wébogha irqchi sözlerni qilishigha naraziliq bildürdi.
erdoghan ijtimaiy taratqudiki adrésida uchur hembehrilep, «komandimiz bashaqshehirning téxnik xadimliridin piérré wébogha qilinghan irqchi sözlerni qattiq eyibleymen» dédi.
jumhur reis erdoghan uchurida «yawropa putbol birleshmisining kéreklik qedemlerni tashlaydighanliqigha ishinimen. tenterbiye we turmushning barliq saheliride irqchiliq we ayrimichiliq qetiy qarshi turimiz» dégenlerni qeyt qildi.
wébo, ripirning musabiqining 17 – minutidiki qararigha naraziliq bildürüshidin kéyin tötinchi ripirning irqchi sözlirige duchkelgenidi.