istanbul marafonche yügürüsh musabiqisi
didem öztashbashi teripidin teyyarlanghan «biliwéling» namliq pirogrammimizning bügünki sanida «istanbul marafonche yügürüsh musabiqisi» dégen témidiki uchurlarni siler bilen ortaqlishimiz.
türkiye awazi radiyosi: 1979-yildin buyan asiya bilen yawropa qiteliri otturisida marafonche yügürüsh musabiqisining élip bériliwatqanliqini bilemsiz?
1973-yili türkiyediki bir gézit teripidin otturigha qoyulghan asiyadin yawropagha yügürüsh pikri, 1979-yili bir türküm gérman sayahetchining teshebbusi bilen emelge ashti. 4-ayning 1- künidiki tunji marafonche yügürüsh musabiqisini körgenler uni shu künge xas «chaqchaq» bolsa kérek dep oylighanidi.
asiya-yawropa yügürüshi süpitide bashlanghan marafonche yügürüsh musabiqisining ismi kéyin yawro-asiya marafonche yügürüsh musabiqisige özgertildi. 2005-yili yawro-asiya marafonche yügürüsh musabiqisi «tinchliq ichidiki bir dunya» gha béghishlandi. oxshimighan döletlerdin kelgen balilar mermer boghuzi köwrükide tinchliq elchisi kepterlerni uchurushti. shundaqla , shu yildin bashlap chet elde alaqe merkezliri échildi.
2013 - yili yawro-asiya marafonche yügürüsh musabiqisining ismi istanbul marafonche yügürüsh musabiqisige özgertildi. 2014-yili istanbul marafonche yügürüsh musabiqisi dunyaning eng yaxshi 22 -, yawropaning eng yaxshi 11 – marafonche yügürüsh musabiqisi qataridin orun aldi. yüz minggha yéqin tenheriketsöyerning ikki qiteni dostluq we aliyjanabliq tuyghusi bilen tutashturushi, istanbul marafonche yügürüsh musabiqisini dunyadiki eng jelpkar marafonche yügürüsh musabiqisige aylandurdi.