истанбул марафончә йүгүрүш мусабиқиси
дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «истанбул марафончә йүгүрүш мусабиқиси» дегән темидики учурларни силәр билән ортақлишимиз.
түркийә авази радийоси: 1979-йилдин буйан асийа билән йавропа қитәлири оттурисида марафончә йүгүрүш мусабиқисиниң елип бериливатқанлиқини биләмсиз?
1973-йили түркийәдики бир гезит тәрипидин оттуриға қойулған асийадин йавропаға йүгүрүш пикри, 1979-йили бир түркүм герман сайаһәтчиниң тәшәббуси билән әмәлгә ашти. 4-айниң 1- күнидики тунҗи марафончә йүгүрүш мусабиқисини көргәнләр уни шу күнгә хас «чақчақ» болса керәк дәп ойлиғаниди.
асийа-йавропа йүгүрүши сүпитидә башланған марафончә йүгүрүш мусабиқисиниң исми кейин йавро-асийа марафончә йүгүрүш мусабиқисигә өзгәртилди. 2005-йили йавро-асийа марафончә йүгүрүш мусабиқиси «тинчлиқ ичидики бир дунйа» ға беғишланди. охшимиған дөләтләрдин кәлгән балилар мәрмәр боғузи көврүкидә тинчлиқ әлчиси кәптәрләрни учурушти. шундақла , шу йилдин башлап чәт әлдә алақә мәркәзлири ечилди.
2013 - йили йавро-асийа марафончә йүгүрүш мусабиқисиниң исми истанбул марафончә йүгүрүш мусабиқисигә өзгәртилди. 2014-йили истанбул марафончә йүгүрүш мусабиқиси дунйаниң әң йахши 22 -, йавропаниң әң йахши 11 – марафончә йүгүрүш мусабиқиси қатаридин орун алди. йүз миңға йеқин тәнһәрикәтсөйәрниң икки қитәни достлуқ вә алийҗанаблиқ туйғуси билән туташтуруши, истанбул марафончә йүгүрүш мусабиқисини дунйадики әң җәлпкар марафончә йүгүрүш мусабиқисигә айландурди.
