токйо олимпик йиғини кечиктүрүлди

вухән вируси сәвәбидин 2020-йиллиқ токйо олимпик тәнһәрикәт йиғини 2021-йилиға кечиктүрүлди.

1384589
токйо олимпик йиғини кечиктүрүлди

түркийә авази радийоси хәвири: хәлқара олимпик комитети (IOC) билән йапонийә баш вәзири шинзу аби олимпик йиғинини кечиктүрүш мәсилисидә, келишим һасил қилди.

йапонийә баш вәзири шинзу аби 2020-йиллиқ токйо олимпик йиғининиң келәр йили (2021) өткүзүлидиғанлиқини елан қилди.

тәнһәрикәт йиғининиң исми «2020-токйо» шәклидә болиду.

хәлқара олимпик комитетиниң башқуруш һәйити токйо олимпик йиғини вә мейиплар олимпик йиғининиң «2020-токйо» нами билән 2021-йили өткүзүлүшини қарар қилди.

хәлқара олимпик тәнһәрикәт йиғини 1896-йилидин тартип башланған болуп, биринчи вә иккинчи дунйа уруши мәзгилидә өткүзүлмигән иди. кечиктүрүлүши болса тунҗи қетим көрүлгән болди.

хәлқара олимпик комитети башлиқи томас бах (Thomas Bach) өткәнки күнләрдә олимпикқа қатнишидиған тәнтәрбийәчиләр үчүн бир мәктуп йазған болуп, мундақ дегән иди:

«инсан һайати олимпиклардин һәтта һәммә нәрсидин муһим. хәлқара олимпик комитети мәсилисини һәл қилишниң бир парчиси болушни халайду. қараңғу тонелниң ичидә бирликтә илгириләймиз, әмма қанчилик маңидиғанлиқимизни билмәймиз. шундақтиму шуни билимәнки, тонелниң бир учида бизни олимпик мәшили күтүвалиду.»



مۇناسىۋەتلىك خەۋەرلەر