tokyo olimpik yighini toghrisida üch xil pilan ashkarilandi

xelqara olimpik komitéti (IOC) ning bashliqi tomas bax 2020-yilliq tokyo olimpik tenheriket yighinining pilan boyiche ötküzülidighanliqini élan qildi.

1383288
tokyo olimpik yighini toghrisida üch xil pilan ashkarilandi

türkiye awazi radiyosi xewiri: xelqara olimpik komitétining bashliqi tomas bax olimpik yighini emeldin qaldurulghan ehwalda 11 ming tenheriketchining arzulirining yoq bolidighanliqini bildürüp: «tokyo olimpik tenheriket yighinini mushu yazda ötküzüsh üchün bashqa pilanlar üstilimizde» dédi.

sérbiye bilen kirodiye tenterbiye heyetliri olimpik tenheriket yighinining ötküzülmesliki toghrisida pikirlirini bildürdi.

tokyo olimpik yighinigha qatnishish salahiyitige érishken gérmaniyelik dunya qilichwazliq chémpiyoni maks hartung (Max Hartung), musabiqe ötküzülse özining bayqut qilidighanliqini élan qildi.

u tokyoda musabiqe ötküzüshning toghra ikenlikini bildüridighan sewebning yoqluqini eskertip: «hemme kishi wirusning tarqilishini toxtitishta rol oynishi kérek» dédi.

amérika yinik atlitka we su üzüsh fédératsiyesi, biraziliye olimpik komitéti, engliye yinik atlitka fédératsiyesi we firansiye su üzüsh fédératsiyesi, olimpikning kéchiktürülüshi toghrisida pikir bildürdi.

olimpik tenheriket yighini üchün hazirghiche 12 milyard dollar xejligen yaponiye, olimpikning kéchiktürülüshige qizghin emes.

olimpik komitétidin élinghan melumatlargha asaslanghanda, olimpik tenheriket yighini üchün oxshimighan üch xil pilan oylishiliwatqan bolup, bularning birinchisi, ikki yil kéchiktürüsh, ikkinchisi, 2020-yili séntebir éyigha kéchiktürüsh we üchinchisi, tamashibinlarsiz ötküzüsh iken.



مۇناسىۋەتلىك خەۋەرلەر