tenterbiye dunyasi matemge chömdi

amérikaliq dangliq waskétbolchi kobé bryant (Kobe Bryant) kaliforniyede tik uchar weqesi bilen jénidin ayrildi. dölet waskétbol birleshmisi (NBA) ning mahirliri we dunyadiki chong kulublar matemge chömdi.

tenterbiye dunyasi matemge chömdi

türkiye awazi radiyosi xewiri: filadélfiya 76-nomurluq forma kiygen joél émbid (Joel Embiid): «qeyerdin bashlaydighanliqini bilmeymen. waskétbol oynashni kobéning 2010-yilidiki hel qilghuch musabiqilirini körgendin kéyin bashlighan idim. uningdin burun waskétbol musabiqisini körmeyttim. u musabiqe hayatimning burulush nuqtisi idi. uningdek bolushni arzu qilghan idim. chongqur qayghurdum» dédi.

NBA diki dangliq waskétbolchi toni parkér (Tony Parker) twittérda: «bu xewer méni yaridar qildi. sen heqiqiy cholpan iding. iarijem yatqin, ayaling we baliliringgha dua qilimen» dédi.

türkiye waskétbol komandisining ezaliridin jedi osman we furkan korkmaz qatarliq NBA da top oynighan nurghun waskétbolchilar, bryantning ölümi sewebidin peyda bolghan qayghulirini twittérda hembehirlidi.

réal madrid, barsélona we manchéstér siti, beshiktash, galatasaray we fenerbahche qatarliq dunyada aldinqi qatarda turidighan putbol kulublirimu bryant üchün matem bildürdi.

türkiye waskétbol fédératsiyeliri birleshmisining bashliqi hidayet türkoghlu kobé bryant üchün qayghusini bildürüp, mundaq dédi:

«ishinish nahayiti tes. xatirjem yatqin qérindishim.»

gérmaniye wérdér brémén putbol komandisida top oynaydighan türk putbolchi nuri shahinmu twittérda uchur hembehirlep: «heqiqiy cholpan, deydighan gépimiz yoq, nur ichide yatqin» dédi.

maykél jordin (Michael Jordan), karém abduljabbar, neymar, shakwillé néyil (ShaquilleO'Neal), nowak jokowich (Novak Djokovic), kristiyano ronaldo (CristianoRonaldo), liyonél méssi (Lionel Messi), kyliyan émbabé (KylianMpabbe), léwis xamilton (Lewis Hamilton), pawlo maldini (Paolo Maldini), stéwén gérrard (Steven Gerrard), pawul pogba (Paul Pogba), pawlo dybala (Paulo Dybala), andré iniyésta (Andre Iniesta), jon térri (John Terry), usayn bolt (Usain Bolt), luyis suaréz (Luis Suarez) qatarliq tenterbiye dunyasidiki dangliq mahirlarmu taratqularda, matem bildürüp uchur tarqatti.     



مۇناسىۋەتلىك خەۋەرلەر