тәнтәрбийә дунйаси матәмгә чөмди

америкалиқ даңлиқ васкетболчи кобе брйант (Kobe Bryant) калифорнийәдә тик учар вәқәси билән җенидин айрилди. дөләт васкетбол бирләшмиси (NBA) ниң маһирлири вә дунйадики чоң кулублар матәмгә чөмди.

тәнтәрбийә дунйаси матәмгә чөмди

түркийә авази радийоси хәвири: филаделфийа 76-номурлуқ форма кийгән җоел ембид (Joel Embiid): «қәйәрдин башлайдиғанлиқини билмәймән. васкетбол ойнашни кобениң 2010-йилидики һәл қилғуч мусабиқилирини көргәндин кейин башлиған идим. униңдин бурун васкетбол мусабиқисини көрмәйттим. у мусабиқә һайатимниң бурулуш нуқтиси иди. униңдәк болушни арзу қилған идим. чоңқур қайғурдум» деди.

NBA дики даңлиқ васкетболчи тони паркер (Tony Parker) твиттерда: «бу хәвәр мени йаридар қилди. сән һәқиқий чолпан идиң. иариҗәм йатқин, айалиң вә балилириңға дуа қилимән» деди.

түркийә васкетбол командисиниң әзалиридин җәди осман вә фуркан коркмаз қатарлиқ NBA да топ ойниған нурғун васкетболчилар, брйантниң өлүми сәвәбидин пәйда болған қайғулирини твиттерда һәмбәһирлиди.

реал мадрид, барселона вә манчестер сити, бәшикташ, галатасарай вә фәнәрбаһчә қатарлиқ дунйада алдинқи қатарда туридиған путбол кулублириму брйант үчүн матәм билдүрди.

түркийә васкетбол федератсийәлири бирләшмисиниң башлиқи һидайәт түркоғлу кобе брйант үчүн қайғусини билдүрүп, мундақ деди:

«ишиниш наһайити тәс. хатирҗәм йатқин қериндишим.»

германийә вердер бремен путбол командисида топ ойнайдиған түрк путболчи нури шаһинму твиттерда учур һәмбәһирләп: «һәқиқий чолпан, дәйдиған гепимиз йоқ, нур ичидә йатқин» деди.

майкел җордин (Michael Jordan), карем абдулҗаббар, нәймар, шаквилле нейил (ShaquilleO'Neal), новак җокович (Novak Djokovic), кристийано роналдо (CristianoRonaldo), лийонел месси (Lionel Messi), кйлийан ембабе (KylianMpabbe), левис хамилтон (Lewis Hamilton), павло малдини (Paolo Maldini), стевен геррард (Steven Gerrard), павул погба (Paul Pogba), павло дйбала (Paulo Dybala), андре инийеста (Andre Iniesta), җон терри (John Terry), усайн болт (Usain Bolt), луйис суарез (Luis Suarez) қатарлиқ тәнтәрбийә дунйасидики даңлиқ маһирларму таратқуларда, матәм билдүрүп учур тарқатти.     



مۇناسىۋەتلىك خەۋەرلەر