хитай билән «NBA» оттурисидики киризис барғанчә зораймақта

хитай васкетбол федератсийәси башлиқи йав миң америка дөләтлик васкетбол бирләшмиси «NBA» билән болған барлиқ һәмкарлиқини тоңлитип қойғанлиқини елан қилди.

5.jpg
3.jpg
1.jpg
2.jpg
2019-10-10T104317Z_836509766_RC12E1B64410_RTRMADP_3_CHINA-BASKETBALL-NBA.JPG

түркийә авази радийоси хәвири: һостон ракета ширкити баш мудири дарлий морейниң хитайниң хоңкоңдики сийасәтлиригә қарита бир учурни һәмбәһирләшкәнлики күтүлгинидинму йаман нәтиҗиләрни мәйданға кәлтүрди.

дарлий морейниң хоңкоңдики намайишчиларни қоллап һәмбәһирләшкән йазмисиға ғәзипи ташқан хитай мәсуллири униңға иқтисадий ембарго қойушни башлиди.

 дәсләптә хитай банкилири хостон ракета ширкитиниң капаләтчилик келишимлирини әмәлдин қалдурди. андин хостон ракета ширкитиниң васкетбол маһири шундақла һазирқи хитай васкетбол федератсийәси башлиқи йав миң америка дөләтлик васкетбол бирләшмиси «NBA» билән болған барлиқ һәмкарлиқини тоңлитип қойғанлиқини елан қилди.

бу вәқәләргә қарита америка дөләтлик васкетбол бирләшмиси «NBA» байанат елан қилди.

дарлий морей болса, иҗтимаий таратқудики учурини өчүрүп, бир кәчүрүм сораш мәктуби елан қилди.

хәлқара васкетбол бирләшмиси дарлий морейниң тивиттер учуриниң пикир әркинлики икәнликини билдүрүп, һостон ракета ширкити тәрәптә турди.

йүз бәргән бу вәқәләр америка пирезиденти доналд трампниңму күнтәртипидин орун алди.

доналд трамп америка дөләтлик васкетбол бирләшмиси «NBA» мәсуллириниң хитай билән өз мәсилисини өзлири һәл қилиши керәкликини тилға елип, америка дөләтлик васкетбол бирләшмиси «NBA» маһирлиридин кер вә поповичниң мәсилигә сүкүт қилип туривелиш арқилиқ хитайниң нениға йағ сүргәнликини ейтти.

доналд трамп кер вә поповичниң сүкүттә туривелишини бир қанчә қетим тәнқид қилди. «уларниң медийа билән өткүзгән сөһбитини көрдүм, һеч нәрсә дейишмиди. худди кичик балидәк гойа қорқунчтин титришивататти» деди.

йәнә бир тәрәптин «Forbes» гезитиниң санлиқ мәлуматлириға асасланғанда, хитай базири америка дөләтлик васкетбол бирләшмиси «NBA» ға 4 милйард доллар йаритип бәргән икән.

лос анҗелес лакер командиси билән биролийин нетс комндисиниң шаңхәйдә өткүзидиған мусабиқисиму бу вәқәләрниң тәсиригә өчриди.

мусабиқә еланлириниң елан тахтилиридин елип ташланғанлиқи «әҗиба мусабиқә әмәлдин қалдурулдиму?» дегән соалларни пәйда қилған болсиму, бирақ ахири мусабиқә өткүзүлди.

хитай васкетбол мастанилири болса, тәнтәрбийә заллири лиқ тулдуруп, васкетбол командилирини қоллап қуввәтлиди.

 

 



مۇناسىۋەتلىك خەۋەرلەر