günesh: «islandiyeni yenggen bolsaq téximu yaxshi bolatti» dédi

türkiye awazi radiyosi xewiri: türkiye komandisining térénéri shenol günesh mahirlarning musabiqide ghelibe qilish üchün küchining yétishiche tirishchanliq körsetkenlikini, utturup qoyghanliqliridin intayin qayghurghanliqlirini eskertti.

u musabiqidin kéyin ötküzülgen axbarat élan qilish yighinida, islandiyelik bir muxbirning türkiye komandisining islandiyege kélishi jeryanida ayrodurumda yüz bergen weqelerning tesir qilip-qilmighanliqi toghrisidiki soaligha mundaq jawab berdi:

«meydandiki musabiqige qarshingiz kérek. biz bu yerge nahayiti charchighan, emma ümidwar halette kelduq. birinchi meydan musabiqining aldinqi 30 minutini hésabqa almighanda nahayiti yaxshi iduq. aldinqi 30 minutta jiddiyleshken halda top oyniduq. qarshi terepmu özini tutuwalghan halda oynighan idi. kéyinche turup qalghan ikki topni derhal pursetke aylandurdi. utturup qoyduq, buningdin könglimiz nahayiti yérim boldi. bu yerde yene, 2020-yilliq yawropa longqisigha qatnishalaydighanliqimizni éytmaqchimen, özimizni uninggha munasip komanda dep oylaymiz.»

u toqquz nomurgha érishken firansiye, islandiye we türkiye komandiliri otturisida riqabetning dawamlishidighanliqini eskertip: «bu uzungha sozulghan musabiqe. guruppida firansiye, islandiye we türkiye komandiliri otturisida riqabet bolidighandek körünüwatidu. firansiye komandisi her daim yaxshi körülidighan komanda, shunga reqibimiz islandiye komandisi bolidu. eksiche ehwal bolghan bolsa idi, yeni biz firansiye komandisini emes, islandiye komandisini yenggen bolsaq téximu yaxshi bolatti» dédi.