erdoghan: türkiye xelqi döletlik putbol komandisini qollaydu

türkiye jumhur reisi rejep tayyip erdoghan türkiye xelqining döletlik putbol komandisini qollaydighanliqini bildürdi.

erdoghan: türkiye xelqi döletlik putbol komandisini qollaydu

türkiye awazi radiyosi xewiri: jumhur reisi rejep tayyip erdoghan 2020-yilliq yawropa longqisi H guruppisida ötküzülidighan shallash musabiqisi üchün islandiyege yétip barghan türkiye döletlik putbol komandisining kéflawik ayrodurumida uchrighan nachar muamile we komandining béshigha kelgen setchiliklerni eyiblidi we türkiye putbol fédératsiyesining reisi nihat özdemirge téléfon qilip ehwal soridi.

u téléfonda nihat özdemirge, döletning mesilige munasiwetlik her türlük xizmetlerni ishligenlikini we zörür tedbirlerni alghanliqini éytti.

u: «térénér shenol günesh we putbolchilirimiz rohluq bolsun. türkiye xelqi ularni qollaydu» dédi.

nihat özdemir putbol komandisini qollighanliqidin jumhur reis rejep tayyip erdoghangha rehmet éytti.

eskertilishiche, yashliq we tenterbiye ministiri mehmet qasapoghluningmu bügün (10-iyun) türkiye putbol fédératsiyesi we döletlik putbol komandisini qollaydighanliqlirini namayan qilish üchün bir heyet bilen islandiyege bérip, ete ötküzülidighan musabiqini köridiken.



مۇناسىۋەتلىك خەۋەرلەر