бүгүн түркийә-молдова мусабиқиси өткүзүлиду
2020-йиллиқ йавропа лоңқисиниң иккинчи айланма шаллаш мусабиқилири башланди.
түркийә авази радийоси хәвири: түркийә дөләтлик путбол командиси бүгүн (25-март) 2020-йиллиқ йавропа лоңқиси H гурупписидики иккинчи мусабиқисидә, молдова командиси билән риқабәтлишиду.
түркийә дөләтлик путбол командиси гурупписидики биринчи мусабиқисидә, албанийә командисини 0 гә қарши 2 нәтиҗә билән йәңгән иди.
молдова командиси гуруппидики биринчи мусабиқисидә, өз мәйданида 4 кә қарши 1 нәтиҗә билән фирансийә командисиға уттуруп қойди.
түркийә путбол командиси молдова командиси билән бүгүнгичә чүшкән мусабиқилиридә йәттә қетим утуп, икки қетим тәңләшкән болуп, 2017-йилидики ахирқи мусабиқидиму 1 гә қарши 3 нәтиҗә билән йәңгән иди.
түркийә-молдова мусабиқисиға украина путбол федератсийәсиниң әзаси серге бойко реперлиқ қилидиған болуп, мусабиқә әнқәрә вақти 20:00 дә, үрүмчи вақти 23:00 тә башлиниду. мусабиқә җәрйани 1-т р т қанилида вә т р т радийосида нәқ мәйдандин тарқитилиду.
