muhemmed elining ismi amérikidiki bir ayrodurumgha qoyulidu
kéntaké shehirige qarashliq luisiwillé yerlik awiyatsiye rehberlik apparati tünügün yighin échip, ayrodurumning ismini «luisiwillé muhemmed eli xelqara ayrodurumi» dep özgertishni qarar qildi.
türkiye awazi radiyosi xewiri: tenterbiye dunyasida «tarixning eng chongi» dep atiliwatqan, 2016 – yili 74 yéshida bu dunya bilen widalashqan meshhur boksyor we dangliq irqchiliqqa turghuchi musulman paaliyetchi muhemmed eli ismi döliti amérika qoshma ishtatlirining kéntaky shehiridiki ayrodurumgha bérilidu.
kéntaké shehirige qarashliq luisiwillé yerlik awiyatsiye rehberlik apparati tünügün yighin échip, ayrodurumning ismini «luisiwillé muhemmed eli xelqara ayrodurumi» dep özgertishni qarar qildi.
muhemmed elining ayali lonnié eli bayanat bérip, mezkur isim özgertish qararini anglap iptixarlanghanliqini eskertken halda, «eli, bir dunya puqrasi bolsimu, hergizmu dölitini untup qalmidi» dégenlerni qeyt qildi.
musulman bolushtin burunqi ismi kassius marsélus klay j r. bolghan muhemmed eli, 1942 – yili 17 – yanwarda irqchiliq taza bazar tépiwatqan luisiwilléde dunyagha keldi.
1964 – yili 22 yash chéghida sonny listonni yéngip eng yash dunya boks chémpiyoni bolghan klay, ghelibisidin kéyin özining islamgha kirgenlikini we ismini muhemmed elige özgertkenlikini jakarlidi.
uzun mezgil parkinson késilining derdini tartqan muhemmed eli, 2016 – yili 3 – iyunda arizona ishtatining foéniks shehiridiki bir duxturxanida nepes yoli tarliqi késilini dawalitiwétip bu dunya bilen widalashti.
