fenerbahche komandisi guruppidin chiqishni kapaletlendürdi
fenerbahche komandisi yawropa putbol fédératsiyeliri birleshmisi (UEFA) ning D guruppisida ötküzülgen alte meydan musabiqide érishken netijiliri bilen, guruppidin chiqishni kapaletke ige qildi.
türkiye awazi radiyosi xewiri: yawropa putbol fédératsiyeliri birleshmisining D guruppidin chiqishni kapaletke ige qilghan fenerbahche komandisi guruppidiki axirqi musabiqiside, slowakiyening spartak trnawa komandisigha 1 ge qarshi 0 netije bilen utturup qoydi.
ikki komanda üchün simwolluq menige ige bu musabiqide, fenerbahche komandisining térinéri erwin koéman, yigitxan güweli, ömer chaki we mahsun chapkan qatarliq yashlargha meydangha chüsüsh pursiti yaritip berdi. musabiqe bashlinip 41 minut ötkende spartak trnawa komandisining esli türk awstiriyelik mahiri qubiley yilmaz fenerbahche komandisining waratasigha bir top kirgüzdi. shuning bilen, birinchi meydan musabiqe spartak trnawa komandisining üstünlüki bilen axirlashti. ikkinchi meydan musabiqide her ikki terepning waratasigha tépilgen héchqandaq top bolmighanliqi üchün netije 0-1 bilen axirlashti.
fenerbahche komandisi guruppisida oynighan alte musabiqide ikki qétim ghelibe qildi, ikki qétim netijini tengleshtürdi, ikki qétim utturup qoydi. guruppida dinamaw zagréb komandisi birinchilikni, fenerbahche komandisi ikkinchilikni qolgha keltürüp, guruppidin chiqishni kapaletlendürdi.
