beshiktash komandisi norwégiye komandisini yengdi
türkiye beshiktash komandisi yawropa putbol fédératsiyeliri birleshmisi (UEFA) yawropa derijidin tashqiri birleshme musabiqilirining I guruppisidiki 5-meydan musabiqide norwégiyening «Sarpsborg» komandisi bilen musabiqileshti.
türkiye awazi radiyosi xewiri: norwégiye komandisining mahiri rashad muhemmed musabiqe bashlinip 47 sékunt bolghanda, beshiktash komandisining waratasigha bir top kirgüzüp, musabiqini üstünlük bilen bashlighan boldi. musabiqe bashlinip alte minut ötkende bolsa, norwégiye komandisining tobiyas héyintz beshiktash komandisining waratasigha yene bir top kirgüzüp, netijini 0 ge qarshi 2 ge chiqardi. birinchi meydan musabiqe norwégiye komandisining bésimi we üstünlüki bilen axirlashti.
ikkinchi meydan musabiqide, bashqa beshiktash komandisi meydanda idi. arqimu arqa kelgen pursetlerni ching tutqan beshiktash komandisi norwégiye komandisining waratasigha 62-minutta bir top, arqidin töt minut ötkende yene bir top kirgüzdi. 90-minutta yene bir top kirgüzgen beshiktash komandisi, 2 ge qarshi 0 netije bilen bashlanghan musabiqini 2 ge qarshi 3 netijige chiqirip, musabiqini ghelibe axirlashturdi.
beshiktash komandisi buning bilen guruppisidiki netijisini 7 nomurgha chiqirip, ikkinchi orungha ige boldi we 32 komandining ichige kirish üchün muhim ilgirileshni qolgha keltürdi.
