ئەردوغان ئاياللار ئوقيا كوماندىسىنى تەبرىكلىدى

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان ياۋروپا ئوقيا چېمپىيولۇقىدا ئالتۇن مېدالغا ئېرىشكەن تۈركىيە ئاياللار  كىلاسسىك ئوقيا كوماندىسىنى تەبرىكلىدى.

جۇمھۇر رەئىسلىك سارىيى ئاخبارات مەركىزى ئېلان قىلغان باياناتقا ئاساسلانغاندا، رەجەپ تاييىپ ئەردوغان ياۋروپا ئوقيا چېمپىيونلۇقىدا تۈركىيە ئاياللار كىلاسسىك ئوقيا كوماندىسىنىڭ ئالتۇن مېدالغا ئېرىشكەنلىكى مۇناسىۋىتى بىلەن، تۈركىيە ئوقيا فېدېراتسىيەسىنىڭ باشلىقى ئابدۇللاھ توپالئوغلۇغا تەبرىك تېلېگراممىسى ئەۋەتكەن.