maduro: dunya longqisini afriqa aldi
wénézuéla pirézidénti nékolas maduro, 2018 – yilliq xelqara putbol birleshmisining dunya longqisini alghan firansiye milliy putbol komandisidiki putbolchilarning köpinchisining afriqiliq köchmenlerdin teshkil tapidighanliqini éytti.
türkiye awazi radiyosi xewiri: pirézidént nékolas maduro wénézuélada ötküzülgen bir paaliyette söz qilip, «dunya longqisini firansiye komandisi aldi, biraq, ular bir afriqa komandisigha oxshaytti. eslide afriqa ghelibe qildi, ular firansiyege bérishqa muweppeq bolghan afriqiliq köchmenlerning perzentliridur» dédi.
«yawropaning signalni chüshengen bolushini ümid qilimen» dégen nékolas maduro sözini dawamlashturup, yawropaliqlarni afriqiliqlargha qarshi irqchiliq, köchmenlerge qarita ayrimchiliq qilishqa xatime bérishke chaqirdi.
«afriqini dawamliq töwen körüshti, bolang – talang qilishti. nöwet dunya longqisigha kelgende, firansiye chémpiyonluqni afriliq putbolchilar sayisida qolgha keltürdi» dégen maduro, 2018 – yilliq xelqara putbol birleshmisining dunya longqisini talishish musabiqilirige sahibxanliq qilghan rusiye pirézidénti wiladimir putinnimu utuqluq xizmetliri üchün tebriklidi.
