русийәдә давамлишиватқан дунйа лоңқисини талишиш мусабиқилири қиззип кәтти
фирансийә вә уругвай командилири чарәк һәл қилғуч мусабиқисиға қатнишиш һоқуқини қолға кәлтүрди.
түркийә авази радийоси хәвири: русийәдә давамлишиватқан 2018 – йиллиқ путбол федератисйәлири бирлики «FIFA» ниң дунйа лоңқисини талишиш мусабиқилириниң ахирқи 16 - басқучлуқ мусабиқисидә, фирансийә командиси аргентина командисини 3 кә қарши 4 нәтиҗә билән йиңип, чарәк һәл қилғуч мусабиқиға қатнишиш һоқуқини қолған кәлтүрди.
мусабиқә башлинип 13 – минутта фирансийә командисидин гирезман бир топ киргүзүп, 0 гә қарши 1 нәтиҗә билән үстүнлүкни игилиди. 41 – минутида аргентина командисидин ди марийаму қарши тәрәпкә бир топ киргүзүп, баравәрликни қолға кәлтүрди.
риқабәтниң дәсләпки йерими 1 гә қарши 1 нәтиҗә билән баравәр ахирлашти.
иккинчи йериминиң 48 – минутида аргентина командисидин мисси бир топ киргүзүп, 1 гә қарши 2 нәтиҗә билән алдиға өтүп кәтти. фирансийә командисидин параврд 57 –минутида бир топ киргүзүп, йәнә баравәрликни қолға кәлтүрди.
фирансийә командисидин мибаппә 64 – вә 68 - минутида икки топ киргүзүп, 2 гә қарши 4 нәтиҗини қолға кәлтүрди.
мусабиқиниң 90 + 3 – минутида аргентина командисидин агурониң бир топ киргүзүши билән оттуридики пәрқ биргә чүшти.
мусабиқидә, фирансийә командиси 3 кә қарши 4 нәтиҗә билән аргентина командисини йәңди.
русийәдә давамлишиватқан 2018 – йиллиқ потбол федератисйәлири бирлики «FIFA» ниң дунйа лоңқисини талишиш мусабиқилириниң ахирқи 16 басқучлуқ мусабиқисида йәнә, уругвай командисиму португалийәни 1 гә қарши 2 нәтиҗә билән йиңип, чарәк һәл қилғуч мусабиқиға қатнишиш һоқуқини қолға кәлтүрүш арқилиқ фирансийәниң рәқибигә айланди.
уругвай командисидин җава мусабиқә башлинип 7 – минутида бир топ киргүзди. 55 – минутида португалийәдин пәпәниң бир топ киргүзүши билән тәңләшти.
62 – минутида уругвай командисидин мәшин бир топ киргүзүп 1 гә қарши 2 нәтиҗә билән үстүнликни игилиди.
мусабиқиниң қалған вақитлирида уругвай нәтиҗисини қоғдап қилишта утуққа еришип, 1 гә қарши 2 нәтиҗә билән португалийәни йәңди вә чарәк һәл қилғуч мусабиқиға қатнишиш һоқуқини қолға кәлтүрүш арқилиқ фирансийәниң рәқибигә айланди.
фирансийә билән уругвай командилири оттурисидики чарәк һәл қилғуч мусабиқә 6 – ийул җүмә күни низний новгород тәнтәрбийә залида өткүзүлиду.