xelqara putbol birleshmisini pakistanning ezaliqini eslige keltürdi
xelqara putbol birleshmisi, pakistan putbol birleshmisining tonglitip qoyulghan ezaliqini eslige keltürdi.
930450
türkiye awazi radiyosi xewiri: xelqara putbol birleshmisi bayanat élan qilip, rehberlik apparatigha sirttin mudaxile qilinghanliqi üchün 2017 – yili 10 – öktebirde ezaliqi tonglitip qoyulghan pakistan putbol birleshmisining 1 – martta bashqurush hoquqini ötküzüwalghanliqini؛ bu ehwaldin kéyin qaytidin xelqara putbol birleshmisi ezaliqigha qobul qilinghan pakistan putbol birleshmisining heriketlirining yéqindin közütilidighanliqini uqturdi.
2015 – yili pakistan putbol birleshmisi bashliqliqigha saylanghan feysal salih hayat, chiriklik jinayiti sadir qilish bilen eyiblinip xizmitidin toxtitip qoyulup, ornigha sot mehkimisi teripidin bir bashliq teyinlengenidi.
