ikki koréye tenterbiyechiliri birla bayraq astida parattin ötidighan boldi
parattin ötüsh paaliyitide ikki koréye tennterbiyechilirining «birleshme koréye» bayriqi astida méngishi heqqide resmiy qarar maqullandi.
türkiye awazi radiyosi xewiri: jenubiy we shimaliy koréye tenterbiyechiliri piyong changda ötküzülidighan 2018 – yilliq qishliq olimpik musabiqilirining échilishida birla bayraq astida parattin ötidu.
yonhap agéntliqining xewiride, ikki dölet otturisidiki chégragha jaylashqan panjuman yézisida alaqidar mesullarning uchrishish élip barghanliqi we échilishta ötküzülidighan parattin ötüsh paaliyitide tennterbiyechilerning «birleshme koréye» bayriqi astida méngishi heqqide resmiy qarar maqullanghanliqi bildürüldi.
ikki dölet otturisida birleshme muztop komandisi qoridighanliqinimu bildürgen mesullar yene, shimaliy koréyening piyung changda 230 kishilik parattin ötüsh guruppisi bilen 30 kishilik tékwando numur körsitish etriti ewetighanliqinimu bildürdi.
ikki koréye yene 9 – féwraldin 25 – féwralghiche ötküzülidighan olimpik musabiqiliridin ilgiri shimaliy koréyening sherqidiki kumgang téghida ortaq kültür paaliyiti shundaqla masikriyong qar téyilish merkizide ortaq sinaq meshiqimu ötküzidighan boldi.
jenubiy koréye bilen shimaliy koréye aridin ikki yil ötkendin kéyin, qishliq olimpik musabiqisi wesilisi bilen qaytidin yuqiri derijilik uchriishlarni bashlidi.
