2017-yili tenterbiye sahesidimu zor utuqlar qolgha keltürüldi

türkiye awazi radiyosi xewiri: türkiye yénik atlitka fédératsiyesi tenterbiye mahirlirining rékort yaratqanliqini bildürüp, bayanat élan qildi. bayanatta, mahirlarning tarixiy ehmiyetke ige netijilerge ériship, médal sani jehette rékort yaratqanliqi eskertildi.

bildürülishiche, ötken yili (2016) türkiye 198 médalgha érishken. bu yil (2017) bolsa, 26 chémpiyonluq musabiqiliride, 73 altun, 72 kümüsh, 60 mis médal bolup, jemiy 205 médalgha érishken.

türkiye mahirliri ruméniyede ötküzülgen 20 yashtin töwen balqan rayoni chémpiyonluq musabiqiliride, 11 altun, yette kümüsh, toqquz mis médal bolup, jemiy 27 médalni qolgha keltürgen. bu türkiye eng köp altun médalni qolgha keltürgen musabiqe bolup qalghan.

londonda ramil guliyéw 200 métirgha yügreshte tunji qétim altun médalgha érishken.

türkiye mahirliri dunya cholpanliri, yawropa kros, yawropa yashlar olimpik féstiwali we islamiy hemkarliq tenheriket yighini qatarliq musabiqilerdimu eng köp médalni qolgha keltürgen.