rus we ingliz putbol mestaniliri yene bir qétim sürkilishti

rus putbol mestaniliri bilen engliye putbol mestanilirining yawropa longqisini talishish putbol musabiqisi – EURO-2016 – jeryanidiki sürkilishliri dawamlashmaqta.

511413
rus we ingliz putbol mestaniliri yene bir qétim sürkilishti

türkiye awazi radiyosi xewiri: shenbe küni marsiliyada ruslar bilen engliyelikler arisida jédel chiqqanidi, bu qétim lillé shehiride ruslar bilen engliyelikler we galli ixlasmenliri arisida sürkilish yüz berdi.

firansiyening BFM téléwiziye qanili, lillé poyiz istansisigha yéqin jayda rus putbol mestanilirining engliyelikler we galli terepdarilirigha hujum qilghanliqini xewer qildi. xewerde, putbol mestanilirining bir – birlirige orun, üstel we botolkilarni atqanliqi, saqchilarning mudaxile qilish arqiliq jédelning ulghiyip kétishining aldini alghanliqi qeyt qilindi.

lillé waliysi maykél lalandé kech terepte bayanat bérip, charshenbe we peyshenbe künliri yérim kéchidin bashlap qawaqxanilarni taqashni qarar qilghanliqlirini qeyt qilghanidi.

rusiye komandisi bügün lillé shehiride silowakiye komandisi bilen musabiqige chüshidu. lillége nahayiti yéqin yerge jaylashqan léns shehiride bolsa, engliye komandisi peyshenbe küni (ete) gallér komandisi bilen meydangha chüshidu.


خەتكۈچ: #rus , #ingliz , #putbol , #sürkilish

مۇناسىۋەتلىك خەۋەرلەر