әнглийәлик мәстаниләр билән русийәлик мәстаниләр арисида еғир җедәл чиқти

әнглийәлик путбол мәстанилири билән русийәлик путбол мәстанилири арисида иккинчи қетим қанлиқ җедәл чиқти.

509100
әнглийәлик мәстаниләр билән русийәлик мәстаниләр арисида еғир җедәл чиқти
ingiliz-rus taraftarlar arasında kavga.jpg
ingiliz-rus taraftarlar arasında taşkınlık.jpg

түркийә авази радийоси хәвири: 

2016 – йиллиқ йавропа чимпийонлуқни талишиш путбол мусабиқисиниң марсилийада өткүзүлидиған әнглийә – русийә командилириниң мусабиқисидин илгири еғир дәриҗидә мәс болуп қалған икки команда мәстанилири арисида йәнә җедәл чиқти؛ марсилийадики кона порт сайаһәт районида йүз бәргән җедәлдә иккисиниң әһвали еғир болуп җәмий 6 адәм йариланди. еғир йариланған русийә пуқрасиниң йүрәк келисиниң қозғилип қалғанлиқи, йариланған әнглийәликниң әһвалиниң наһайити начар икәнлики қәйт қилинди.

сақчилар, 500 дин артуқ путбол мәстанисиниң җедилини айриш үчүн йуқири бесимлиқ су вә йаш аққузуш гази ишлитишкә мәҗбур болуп қалди, җедәлгә арилашқан алтә кишини сорақ қилиш үчүн назарәт астиға алди.

алдинқи күниму мәзкур шәһәрдә русийәлик путбол мәстанилири билән әнглийәлик путбол мәстанилири арисида җедәл чиқип, сақчилар миңбир мушәққәттә уларни тарқақлаштурған вә бу даиридә 9 кишини сорақ қилғаниди.

фирансийә тәнтәрбийә ишлири министири патрик каннер, әнглийә – русийә мусабиқисигә чимпийонлуқни талишиш мусабиқисиниң әң хәвплик бәш мусабиқисиниң бири, дәп қарайдиғанлиқлирини билдүргәниди.



مۇناسىۋەتلىك خەۋەرلەر