elazigh gilas renglik memer téshi

ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, « elazigh gilas renglik memer téshi» ni tonushturimiz.

«elazigh gilas renglik memer téshi» ning türkiyening rayonlargha xas mehsulatliri tizimlikige kirgüzülgen waqti: 21.11.2022

****** **** *** *** ****

türkiyening sherqiy anadolu rayonidiki tarixiy elazigh shehiri, dunyagha gilas renggige yéqin qizghuch «gilas renglik memer téshi» bilen tonulidu. renggi we tékisturisi bilen dunyada peqet elazighning alajakaya nahiyesidinla chiqidighan «elazigh gilas renglik memer téshi» sheherdiki resmiy organlar bilen kespiy organlarning birlikte murajiet qilishi bilen 2022-yili türkiyening rayonlargha xas mehsulatliri qatarigha kirgüzülgen idi.

mermerning asasiy renggi gilasqa oxshash qizghuch bolup, üstide aq renglik tomur sheklide siiziqlar bolidu. ishlepchiqirilishi nahayiti kona tarixqa ige bolghan elazigh gilas renglik memer téshi sheher iqtisadida muhim ehmiyetke ige. mermer kanliridin pütün yaki kichik parchilar sheklide chiqirilidighan bu mermer dunyaning töt qiteside 60  qa yéqin döletke éksport qilinidu.

elazigh gilas renglik memer téshning ishlitilish dairisi nahayiti keng. chong soda merkezliri we binalarning yerlirini bézesh, ichki tamlarni yaki  tashqi tamlarni qaplash we zinnetleshte, hemde öylerning ashxana we hammamlirini zinnetleshte shundaqla kichik sowgha buyumliri yasashta  ishlitilidu.  

elazigh gilas renglik memer téshi yene heykel we tash tizma senet sahesidimu ésil senet eserlirining asasliq menbesi hésablinidu.