düzje qomuch pekmizi

 ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «düzje qomuch pekmizi» ni tonushturimiz.

«düzje qomuch pekmizi» ning türkiyening rayonlargha xas mehsulatliri tizimlikige kirgüzülgen waqti: 24.05.2021

****** **** *** *** ****

türkiyening qara déngiz boyidiki sheherliridin düzje, dölet miqyasida anche keng tarqalmighan bir ziraet mehsulatidin qolgha keltürülidighan pekmez türige sahibxanliq qilmaqta. sheherning yéza qishlaqlirida ötmüshi nahayiti qedimge sozulidighan qomuch tiriqchiliqining tebiiy netijisi bolghan «düzje qomuch pekmizi», wilayetlik yéza igiliki we ormanchilik idarisi teripidin sunulghan  murajiet netijiside 2021-yili türkiyening rayonlargha xas mehsulatliri qatarigha kirgüzülgen idi.  

pékmezning xam maddisi bolghan shéker qomuchining tiriqchiliqi düzjening tertiplik yamghurliri sewebidin tiriqchiliqta sughurushqa éhtiyaji yoqliqining bir netijisidur. pekmez ishlepchiqirish üchün shéker qomuchi öktebir éyida yighiwélinidu we derhal ishlitilidu.

eng deslep, qomuchning sapliri, yopurmaq we uruqliridin tazilinip mashinida siqilip shirnisi chiqirilidu. shéker qomuchining shirnisi inchike süzgüchlerde 4 qétim süzülüp mis qazanlargha tökülidu we otun otida qaynatilidu. bu jeryanda pekmezning tégining tutup qalmasliqi we köygen puraqning peyda bolushining aldini élish üchün dawamliq arilashturulidu.

qaynash jeryanida pekmezning yüzide peyda bolghan köpüklerni bir qacha bilen élishqa toghra kélidu. texminen 50 litir shéker qomuchi shirnisi ishlitilip 10 litir pekmez ishlep chiqirilidu. pekmezler ozuq-tülük qachilinidighan shishe yaki plastik qutulargha sélinip, istémalgha sunulidu. 

yuqirida ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq pirogrammimizni anglidinglar!