marash mis qol hünerwenchilik buyumliri
türkiyening rayonlargha xas tizimgha élinghan mehsulatliri -37
marash mis qol hüner-seniti boyumliri
ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «marash mis qol hünerwenchilik buyumliri» ni tonushturimiz.
marash mis qol hünerwenchilik buyumlirining türkiyening rayonlargha xas mehsulatliri tizimlikige kirgüzülgen waqti: 23.03.2023
****** ********* ******
türkiyening aqdéngiz rayoni bilen sherqiy anadolu rayonining kisishish éghizigha jaylashqan we döletning azadliq kürishide alahide ehmiyetke ige bolghan qahramanmarashta ishlepchiqirilidighan «marash mis qol hünerwenchilik buyumliri» 2023-yili sheherlik soda-sanaetchiler birleshmisining iltimasi bilen türkiyening rayonlargha xas tizimgha élinghan mehsulatliri qatarigha kirgüzülgen idi.
bolqa bilen intayin népiz mis waraqlarni shekillendüsh we zinnetlesh arqiliq ishlepchiqirilidighan «marash mis qol hünerwenchilik buyumliri» ni ishlepchiqirish yuqiri ustiliq we qol hönerwenchilik maharitini telep qilidu. ustilar mis taxtayni bolqa yaki qattiq jisim bilen we yaghach toqmaq bilen urush arqiliq her xil shekillerge kirgüzidu. bolqa bilen qattiqlashturulghan misning parchilanmasliqi, yérilmasliqi we asan shekellendürüsh imkaniyitige ige bolushi üchün pat- pat qizziq otta tawlap yumshitilidu. mis buyumlarning sépi, quliqi qatarliq qoshumche qisimliri köpinche tuch, tömür we mis qatarliq métallardin quyma téxnikisi arqiliq ishlepchiqirilidu. mis köngüldikidek shekilge kelgendin kéyin, zinnetlesh yaki oyma neqishlesh téxnikisi arqiliq qolda yasilidu. axirida qeleylinip parlaqlashturulghan marashmarash mis qol hünerwenchilik buyumliri, qazan, tawa qazan, cheynek, hawancha, ligen, qehwe tori, aptu we qacha qatarliq aile buyumliridin bashqa yene, shamdan, longqa zibu - zinnet qatarliq bézekchilik mehsulatliri süpitidimu ishlepchiqirilidu.
