allah silerge haywanlarni yaratti

türkiye awazi radiyosi: ghafir sürisi, 78 -85 - ayetler. sendin ilgiri biz heqiqeten nurghun peyghemberlerni ewettuq, ularning arisidin sanga bayan qilip bergenlirimizmu, bayan qilip bermigenlirimizmu bar, héchqandaq peyghember allahning iznisiz birer möjize keltürelmeydu, allahning emri (yeni qiyamet) kelgen chaghda (kishilerning arisida) adalet bilen höküm chiqirilidu, bu chaghda heqke qarshi turghuchilar ziyan tartidu[78]. minishinglar we göshlirini yéyishinglar üchün allah silerge haywanlarni yaratti[79]. ular silerge nurghun payda keltüridu, ulargha minip dilinglargha pükken hajitinglardin chiqisiler, (quruqluqta yük ـ taqliringlarni) ulargha artisiler, (déngizda) kémilerge qachilaysiler[80]. allah silerge (qudritining) alametlirini körsitidu, siler allahning (qudritining) qaysi alametlirini inkar qilisiler?[81] ular zéminda seyr qilip ulardin ilgirikilerning aqiwitining qandaq bolghanliqini küzetmidimu? bulardin ularning sani köp idi, zéminda küch ـ quwwet we yadikarliqlar (yeni öy ـ imaret) jehette bulardin üstün idi. ularning qolgha keltürgen nersiliri ulargha esqatmidi[82]. ulargha peyghemberliri roshen möjiziler bilen kelgende, özliride bar ilim bilen pexirlinip (peyghemberlerni inkar qildi we mesxire qildi), ulargha özliri mesxire qilghan (we kelse dep aldirighan) azab nazil boldi[83]. ular bizning azabimizni körgen chaghda: «biz bir allahqa iman éyttuq, biz burun (allahqa) shérik qilghan butlarni inkar qilduq» dédi[84]. bizning azabimizni körgen chaghda éytqan imanning ulargha paydisi bolmidi, bu (yeni azabni körgende éytqan imanning paydiliq bolmasliqi) allahning bendiliri arisida tutqan yolidur, bu chaghda kapirlar ziyan tartquchi boldi[85].