chankiri tuxum tatliq türümi

ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «chankiri tuxum tatliq türümi» ni tonushturimiz.

chankiri tuxum tatliq türümiining türkiyening rayonlargha xas mehsulatliri tizimlikige kirgüzülgen waqti: 18.12.2017

****** ********* ******

türkiyening paytexti enqerening shimalidiki qoshnisi bolghan chankiri shehiri déhqanchiliq we charwichiliq paaliyetliri bilen alahide közge körünidu. «chankiri tuxum tatliq türümi» bu rayon bilen bir gewdileshken sherbetlik tatliq türüm türi bolup hésablinidu. chankiri tuxum tatliq türümi 2017-yili chankiri sheherlik hökümetning iltimasi bilen türkiyening rayonlargha xas tizimgha élinghan mehsulatliri qatarigha kirgüzülgen idi.

chankiri tuxum tatliq türümi héyt-bayram we ramizan éyida iptar yémeklikliridin kéyin méhmanlar üchün teyyarlidighan bolup, buni teyyarlashqa 8 tuxum, 3 qoshuq un we sériq may kétidu. bu tatliq türümni yasashta, aldi bilen tuxumning sériqi we aqliri ayrilidu, aq qismi qatqangha qeder qochilidu. hatta qochulghan qacha tetür örülgendimu tökülmeydighan halgha kélishi kérek. andin toxumning sériqimu bashqa bir qachida qochulup tuxumning qatqan éqigha qoshilidu we arilashturilidu. éritilgen un bu arilashmining üstige tökülüp yene oxshash qochulidu. bir-ikki minut qochulghandin kéyin, eynek yaki mis qachigha tökülüp, 175 gradusqiche qizitilghan duxapkida 35 minut pishurulidu. asta-asta sowutulghan tatliq yémeklikke ilgiri teyyarlanghan illiq limon sherbiti quyulidu. andin tuxum tatliq türümi parchilinip, texsige qoyulidu we issiqida méhmangha sunilidu.