қийамәт күни өзлирини вә аилисидикиләрни зийан тартқузғучилар қаттиқ зийан тартқучилардур

иблиңларки, әнә шу рошән зийандур.

2059692
қийамәт күни өзлирини вә аилисидикиләрни зийан тартқузғучилар қаттиқ зийан тартқучилардур

қийамәт күни өзлирини вә аилисидикиләрни зийан тартқузғучилар қаттиқ зийан тартқучилардур

түркийә авази радийоси: зумәр сүриси, 11 - 21 - айәтләр.  ейтқинки, «мән динни (шериктин вә рийадин) сап қилған һалда аллаһқа ибадәт қилишқа буйрулдум[11]. һәмдә (бу үммәтниң ичидә) мусулманларниң әввили болушқа буйрулдум»[12]. ейтқинки, «әгәр мән пәрвәрдигаримға асийлиқ қилсам, шүбһисизки, бүйүк күнниң азабидин қорқимән (йәни аллаһниң әмригә асийлиқ қилсам, қийамәт күни униң мени җәһәннәм оти билән азаблишидин қорқимән)»[13]. ейтқинки, «динимни (шериктин вә рийадин) сап қилған һалда аллаһқа ибадәт қилимән[14]. силәр аллаһтин башқа халиғиниңларға ибадәт қилиңлар!» ейтқинки, «қийамәт күни өзлирини вә аилисидикиләрни зийан тартқузғучилар қаттиқ зийан тартқучилардур, иблиңларки, әнә шу рошән зийандур[15]. уларни үстидинму қатмуқат от, астидинму қатмуқат от оривалиду, шу (қаттиқ азаб) билән аллаһ бәндилирини қорқитиду». и бәндилирим! (азабимдин) қорқуңлар[16]. шәйтанға (вә бутларға) чоқунуштин йирақ болғанларға, аллаһқа (вә униң ибадитигә) қайтқанларға (җәннәт билән) хуш хәвәр берилиду, сөзгә қулақ селип униң әң йахшисиға әгишидиғанларға (йәни тәқвадар бәндилиримгә) хуш хәвәр бәргин, әнә шулар аллаһ һидайәт қилған кишиләрдур, әнә шулар (сағлам) әқил игилиридур[17 ـ 18]. кимгә азаб вәдиси тегишлик болса (у чоқум дозахқа кириду), сән дозахтики адәмни қутқузаламсән?[19] лекин (дунйада) пәрвәрдигаридин қорққанлар (җәннәттә) қәвәт ـ қәвәт алий имарәтләрдин бәһримән болиду, уларниң астидин өстәңләр еқип туриду, (бу) аллаһниң вәдисидур, аллаһ вәдисигә хилаплиқ қилмайду[20]. сән билмәмсәнки, аллаһ булуттин йамғур йағдуриду. андин уни йәргә сиңдүрүп булақни пәйда қилиду. андин аллаһ униң билән рәңги хилмухил зираәтләрни үндүриду. андин у қуруйду, униң сарғийип кәткәнликини көрисән. андин аллаһ уни шах ـ шумбиға айландуриду, униңда һәқиқәтән әқил игилири үчүн (аллаһниң қудритини көрситидиған) ибрәт бар[21].



مۇناسىۋەتلىك خەۋەرلەر