пут мускуллири күчлүк кишиләрдә йүрәк зәиплишиш хәвипи төвән болиду

пут мускуллири күчлүк кишиләрдә йүрәк кесилигә гириптар болғандин кейин йүрәк зәиплишиш хәвипи төвәнрәк болиду

йапон тәтқиқатчилар пут мускуллири күчлүк кишиләрдә йүрәк кесилигә гириптар болғандин кейин йүрәк зәиплишиш хәвипиниң төвән болидиғанлиқини байқиди.

йавропа йүрәк кесәлликлири җәмийити (ESC) ниң тор бетидә елан қилинған тәтқиқат нәтиҗисигә қариғанда, йүрәк кесилигә гириптар болған, әмма пут мускуллири күчлүк бимарларда йүрәк зәиплишиш хәвипи төвәнрәк болидикән.

йапонийәниң сагамихара университити медитсина факултети тәрипидин елип берилған бу тәтқиқат давамида, 2007-йилдин 2020-йилғичә болған арилиқта тунҗи қетим йүрәк кесилигә гириптар болған, илгири йүрәк кесилини баштин кәчүрмигән 932 адәм тәкшүрүлгән.

йүрәк кесили қозғалғандин кейин, дохтурханида даваланған бимарларниң мускуллири тәкшүрүлгән, путлириниң күчлүклүки өлчәнгән. тәтқиқат нәтиҗисидә бу бимарлардин 481 иниң пут мускуллириниң күчлүк икәнлики, 451 иниң аҗиз икәнлики, 67 бимарниң мускуллириниң күчиниң оттура һал сәвийәдә икәнлики байқалған.

йүрәк кесили қозғалғандин башлап уда 4.5 йил бойичә тәкшүрүлгән бимарларни тәтқиқ қилиш вә өлчәш нәтиҗисидә,  бу бимарлар арисидики йүрәк мускуллири күчлүк болғанлириниң йүрәк зәиплишиш нисбитиниң һәр миң адәмдә 10.2, мускуллири аҗиз болғанлириниң йүрәк зәиплишиш нисбитиниң һәр миң адәмдә 22.9 икәнлики ениқлап чиқилған.

йавропа йүрәк кесәлликлири җәмийитиниң тор бетидә елан қилинған бу тәтқиқат давамида йәнә пут мускулилирини күчәйтиш билән йүрәк зәиплишишниң мунасивити тәкшүрүлгән.

нәтиҗидә, пут мускуллириниң% 5 йахшилинишиниң йүрәк зәиплишиш хәвипини % 11 төвәнлитидиғанлиқи ениқлап чиқилған.

сагамихара университити медитсина факултети физикилиқ давалаш бөлүмидики тәтқиқатчилардин бири болған кенсуке уено бу һәқтә елан қилған байанатида, мундақ дәйду: «бу тәтқиқат йүрәк кесили қозғалғандин кейин йүрәк зәиплишиш хәвипи йуқири бимарларни байқашта үнүмлүк рол ойниди.»

«клиникилиқ шараитта пут мускуллириниң күчлүклүкини тоғра өлчәш асанға тохтитиди. бу йүрәк кесилигә гириптар болған бимарларда йүрәк зәиплишишниң тәрәққий қилишиниң алдини елишқа қарита давалаш усулидиму түрткилик рол ойнайду.»