bash aghriqini tebiiy dawalash usulliri

(doktor mehmet uchar)

eger siz béshingizning yérimi aghrish (sheqiqe) késilige giriptar bolghan bolsingiz, péshaningizge muz xaltisi yaki löngge bilen muz qoyush arqiliq bash aghriqingizni peseyteleyiz. buningdin bashqa yene, muz xaltisi bilen béshingizgha muz qoyup, 15 minut saqlap, bashning yérimi aghriqini peseyteleysiz. bu usulni 15 minut saqlap, tekrar dawamlashtursingiz bolidu.

qan bésimliq bash aghriqi

eger siz qan bésimliq bash aghriqigha  giriptar bolghan bolsingiz yene péshaningizge muz xaltisi yaki löngge bilen muz qoyush yaki qarangghu muhitta olturush usulidin paydilansingiz bolidu.

issiq ötküzüsh usuli

eger béshingiz chingqilip aghrisa, issiq höl lönggini béshingizning keynige qoysingiz bolidu. eger sinus yallughi seweblik béshingiz aghrisa, aghrighan orungha issiq höl löngge qoysingizmu, issiq munchigha chüshsingizmu bolidu.

séghiz chaynimang

séghiz chaynash éngikizngizgila emes, béshingizghimu ziyan yetküzidu. tirnaqliringizni, kalpukliringizni, mengzingizning ichini yaki qelemge oxshighan qollinishchan nersilerni chaynashmu shundaq. chürük hem yépishqaq yémekliklerdin perhiz qiling. eger sizde kéchiliri chishingizni ghuchurlitidighan ehwal bolsa, chish doxturingizdin éghiz boshluqi qoghdighuchi bérishini telep qiling. bu arqiliq etigenlik bash aghriqingizni azaytalaysiz.

köp su ichish

suni köp iching. chünki suni az ichish bash aghriqini keltürüp chiqiridu yaki éghirlashturuwétidu.

 bash térisige bésim bilen uwulash usuli

eger kündüzi chéchingizni at quyruqi sheklige kirgüzidighan yaki chéchingizni bek ching yighidighan bolsingiz, bu ehwal bash aghriqini keltürüp chiqirishi mumkin. bundaq bash aghriqliri qalpaq, doppa, hetta bek ching su üzüsh közeyniki sewebidinmu körülidu. eger mushu sewebtin bash aghriqingiz éghirlashqan bolsa, chéchingizni biraz boshiting.

 qarangghu muhitta bashning yérimi aghrish késilini dawalash usuli

kompyutér ékranidin tarqitilidighan parqiraq yaki lepildep turidighan nurlarmu bashning yérimi aghrishni keltürüp chiqiridu. eger béshingiz nur seweblik aghrighan bolsa, kündüzi dérizilingizni qoyuq perde bilen yépish, közeynek taqash arqiliq aghriqliringizni peseytsingiz bolidu. buningdin bashqa yene, kompyutéringizning ékranigha parqiraq nurdin qoghdighuchi ékran ornitish, yorutush üchün kündüzlük fluoréssén lampuchkisini ishlitish arqiliqmu aghriqliringizni dawaliyalaysiz.

 azraq kofféin istémal qiling

terkibide chay we qehwe qatarliq kofféin maddisi bar ichimliklerni istémal qilishmu bash aghriqigha paydiliqtur.

 aram élish usuli

sozulush, yoga, chongqur tepekkur qaynimigha pétish yaki muskullarni boshitish heriketlirimu bash aghriqi we bashqa aghriqlargha paydiliqtur.

 uwulash usuli

boyningizni bir nechche minut uwulap bersingiz, bésim keltürüp chiqarghan bash chingqilip aghrishni peseytkili bolidu.

uwulash nuqtiliri

bediningizdiki melum bésim nuqtilirini bésim bilen uwulashtek addiy usul arqiliq bash aghriqliringizni dawaliyalaysiz. mesilen, chékingizdiki bash aghriqlirini peseytish üchün, chékingizge bésim ishlitip, asta-asta aylanma shekilde uwulang.

köz charchash keltürüp chiqarghan bash aghriqini peseytish üchün, körsetküch barmiqingizning uchi bilen qashliringizning otturisigha bésim ishlitip, qoyup béring, yaki uda bir minut kichik chembirek halitide bésim ishlitip, qoyup béring.

bash barmiqingiz bilen körsetküch barmiqingizning ariliqini uwulash arqiliq bésim, bash aghriqi we bashqa aghriqlarni peseytkili bolidu. buning üchün؛

1 - sol qolingizda bash barmiqingizning alqan qismi bilen körsetküch barmiqingiz otturisidiki boshluqni téping.

2 - ong barmiqingiz bilen körsetküch barmiqingiz arqiliq bu nuqtini 4-5 sékunt bésing. bésim ishletkende bash barmiqingizni asta chembirek sheklide heriketlendürüng.

3 - ong qolingizda oxshash boshluqni téping, hemde sol bash barmiqingiz we körsetküch barmiqingiz bilen bu usulni yene besh minut tekrarlang.

uchushchan maylarni sinap béqing

doriliq pinne uchushchan méyi we lawangül uchushchan méyi bash aghriqlirini peseytishke eng paydiliqttur. her ikkisining özige xas aghriq peseytish xususiyetliri bardur.

chékiliringizge az miqdarda shipaliq pinne uchushchan méyini sürkesh arqiliq bash aghriqlirini peseytkili bolidighanliqi ispatlandi. peqet közingizning etrapigha may ​​sürtmeslikke kapaletlik qiling.

aromatik dawalash usuli dairiside lawangül uchushchan méyi ishlitish arqiliq bashning yérimi aghrish késilini dawalighili bolidu. derweqe bu ünümlük we bixeter dawalash usuli hésablinidu.

 yémeklikler

‎badam, gilas qatarliq terkibide aqsil we tala maddiliri mol yémekliklermu bash aghriqlirining aldini élishta muhim rol oynaydu.

 magniy istémal qiling

qéniq shakilat, qurutulghan enjür, künjüt melhimi, xam badam, kök chipar béliq we xam kawa uruqi qatarliqlarning terkibide magniy mol bolup, bash aghriqliringizgha shipadur. béshining yérimi aghrighan yaki béshi chingqilip aghrighan kishilerning köpinchiside shu waqitta méngiliride magniy miqdari töwen bolidu.

biraz zenjiwil istémal qiling

yéqinda élip bérilghan bir tetqiqatta ispatlinishiche, zenjiwil jiddiy qutquzush bölümidiki béshining yérimi aghrish késilige giriptar bolghanlarning aghriqlirini peseytidiken. toluqlima dawalash usuli süpitide sinap baqsingiz yaki biraz chay demlep, netijisini körüp baqsingiz bolidu.