баш ағриқини тәбиий давалаш усуллири

(доктор мәһмәт учар)

әгәр сиз бешиңизниң йерими ағриш (шәқиқә) кесилигә гириптар болған болсиңиз, пешаниңизгә муз халтиси йаки лөңгә билән муз қойуш арқилиқ баш ағриқиңизни пәсәйтәләйиз. буниңдин башқа йәнә, муз халтиси билән бешиңизға муз қойуп, 15 минут сақлап, башниң йерими ағриқини пәсәйтәләйсиз. бу усулни 15 минут сақлап, тәкрар давамлаштурсиңиз болиду.

қан бесимлиқ баш ағриқи

әгәр сиз қан бесимлиқ баш ағриқиға  гириптар болған болсиңиз йәнә пешаниңизгә муз халтиси йаки лөңгә билән муз қойуш йаки қараңғу муһитта олтуруш усулидин пайдилансиңиз болиду.

иссиқ өткүзүш усули

әгәр бешиңиз чиңқилип ағриса, иссиқ һөл лөңгини бешиңизниң кәйнигә қойсиңиз болиду. әгәр синус йаллуғи сәвәблик бешиңиз ағриса, ағриған орунға иссиқ һөл лөңгә қойсиңизму, иссиқ мунчиға чүшсиңизму болиду.

сеғиз чайнимаң

сеғиз чайнаш еңикизңизгила әмәс, бешиңизғиму зийан йәткүзиду. тирнақлириңизни, калпуклириңизни, мәңзиңизниң ичини йаки қәләмгә охшиған қоллинишчан нәрсиләрни чайнашму шундақ. чүрүк һәм йепишқақ йемәкликләрдин пәрһиз қилиң. әгәр сиздә кечилири чишиңизни ғучурлитидиған әһвал болса, чиш дохтуриңиздин еғиз бошлуқи қоғдиғучи беришини тәләп қилиң. бу арқилиқ әтигәнлик баш ағриқиңизни азайталайсиз.

көп су ичиш

суни көп ичиң. чүнки суни аз ичиш баш ағриқини кәлтүрүп чиқириду йаки еғирлаштуруветиду.

 баш терисигә бесим билән увулаш усули

әгәр күндүзи чечиңизни ат қуйруқи шәклигә киргүзидиған йаки чечиңизни бәк чиң йиғидиған болсиңиз, бу әһвал баш ағриқини кәлтүрүп чиқириши мумкин. бундақ баш ағриқлири қалпақ, доппа, һәтта бәк чиң су үзүш көзәйники сәвәбидинму көрүлиду. әгәр мушу сәвәбтин баш ағриқиңиз еғирлашқан болса, чечиңизни бираз бошитиң.

 қараңғу муһитта башниң йерими ағриш кесилини давалаш усули

компйутер екранидин тарқитилидиған парқирақ йаки ләпилдәп туридиған нурларму башниң йерими ағришни кәлтүрүп чиқириду. әгәр бешиңиз нур сәвәблик ағриған болса, күндүзи деризилиңизни қойуқ пәрдә билән йепиш, көзәйнәк тақаш арқилиқ ағриқлириңизни пәсәйтсиңиз болиду. буниңдин башқа йәнә, компйутериңизниң екраниға парқирақ нурдин қоғдиғучи екран орнитиш, йорутуш үчүн күндүзлүк флуорессен лампучкисини ишлитиш арқилиқму ағриқлириңизни давалийалайсиз.

 азрақ коффеин истемал қилиң

тәркибидә чай вә қәһвә қатарлиқ коффеин маддиси бар ичимликләрни истемал қилишму баш ағриқиға пайдилиқтур.

 арам елиш усули

созулуш, йога, чоңқур тәпәккур қайнимиға петиш йаки мускулларни бошитиш һәрикәтлириму баш ағриқи вә башқа ағриқларға пайдилиқтур.

 увулаш усули

бойниңизни бир нәччә минут увулап бәрсиңиз, бесим кәлтүрүп чиқарған баш чиңқилип ағришни пәсәйткили болиду.

увулаш нуқтилири

бәдиниңиздики мәлум бесим нуқтилирини бесим билән увулаштәк аддий усул арқилиқ баш ағриқлириңизни давалийалайсиз. мәсилән, чекиңиздики баш ағриқлирини пәсәйтиш үчүн, чекиңизгә бесим ишлитип, аста-аста айланма шәкилдә увулаң.

көз чарчаш кәлтүрүп чиқарған баш ағриқини пәсәйтиш үчүн, көрсәткүч бармиқиңизниң учи билән қашлириңизниң оттурисиға бесим ишлитип, қойуп бериң, йаки уда бир минут кичик чәмбирәк һалитидә бесим ишлитип, қойуп бериң.

баш бармиқиңиз билән көрсәткүч бармиқиңизниң арилиқини увулаш арқилиқ бесим, баш ағриқи вә башқа ағриқларни пәсәйткили болиду. буниң үчүн؛

1 - сол қолиңизда баш бармиқиңизниң алқан қисми билән көрсәткүч бармиқиңиз оттурисидики бошлуқни тепиң.

2 - оң бармиқиңиз билән көрсәткүч бармиқиңиз арқилиқ бу нуқтини 4-5 секунт бесиң. бесим ишләткәндә баш бармиқиңизни аста чәмбирәк шәклидә һәрикәтләндүрүң.

3 - оң қолиңизда охшаш бошлуқни тепиң, һәмдә сол баш бармиқиңиз вә көрсәткүч бармиқиңиз билән бу усулни йәнә бәш минут тәкрарлаң.

учушчан майларни синап беқиң

дорилиқ пиннә учушчан мейи вә лавангүл учушчан мейи баш ағриқлирини пәсәйтишкә әң пайдилиқттур. һәр иккисиниң өзигә хас ағриқ пәсәйтиш хусусийәтлири бардур.

чекилириңизгә аз миқдарда шипалиқ пиннә учушчан мейини сүркәш арқилиқ баш ағриқлирини пәсәйткили болидиғанлиқи испатланди. пәқәт көзиңизниң әтрапиға май ​​сүртмәсликкә капаләтлик қилиң.

ароматик давалаш усули даирисидә лавангүл учушчан мейи ишлитиш арқилиқ башниң йерими ағриш кесилини давалиғили болиду. дәрвәқә бу үнүмлүк вә бихәтәр давалаш усули һесаблиниду.

 йемәкликләр

‎бадам, гилас қатарлиқ тәркибидә ақсил вә тала маддилири мол йемәкликләрму баш ағриқлириниң алдини елишта муһим рол ойнайду.

 магний истемал қилиң

қениқ шакилат, қурутулған әнҗүр, күнҗүт мәлһими, хам бадам, көк чипар белиқ вә хам кава уруқи қатарлиқларниң тәркибидә магний мол болуп, баш ағриқлириңизға шипадур. бешиниң йерими ағриған йаки беши чиңқилип ағриған кишиләрниң көпинчисидә шу вақитта меңилиридә магний миқдари төвән болиду.

бираз зәнҗивил истемал қилиң

йеқинда елип берилған бир тәтқиқатта испатлинишичә, зәнҗивил җиддий қутқузуш бөлүмидики бешиниң йерими ағриш кесилигә гириптар болғанларниң ағриқлирини пәсәйтидикән. толуқлима давалаш усули сүпитидә синап бақсиңиз йаки бираз чай дәмләп, нәтиҗисини көрүп бақсиңиз болиду.