«8 – mart xelqara xanim - qizlar bayrimi» küni

türkiye awazi radiyosi: «8 – mart xelqara xanim - qizlar bayrimi» küni, birleshken döletler teshkilati teripidin qobul qilinip, resmiy békitilgen kün bolup, bu arqiliq ayallarning ijtimaiy we siyasiy éngini yétildürüsh, kündilik hayatning barliq saheliride muweppeqiyet qazinishini ishqa ashurush nishan qilinidu.

her yili 8 – mart küni, xanim – qizlarning hoquqta barawerliki we ularning bu sahede bésip ötken musapiliri tekitlinidu: duch kéliwatqan mesililiri, derd – elemliri we arzu – armanliri otturigha qoyulidu.

künimizde duyaning köpligen döletliride ayallar özlirining her jehettin barawerlik salahiyitige ige ikenlikini emeliy ish – izliri arqiliq ispatlap bermekte: ijtimaiy, medeniyet, iqtisadiy we siyasiy sahelerde muhim muweppeqiyetlerni qolgha keltürmekte.  lékin, ular özliri érishishke tégishlik heq – hoquqlarning keng omumlishishi mesiliside yenila nurghun qiyinchiliqlargha duch kelmekte. mektepte oqushtin mehrum qélish, zorawanliqqa duch kélish, xizmet jeryanida, yaki ailide ayrimchiliqqa duch kélish qatarliq mesililer, hazirmu dunyaning köpligen elliride közge chéliqidighan mesililerdur.

dölitimizde qiz balilarning mektepte oqush nisbiti, ayallarning ishqa orunlishish nibsiti barghanséri yuqirilimaqta. ayallar duch kéliwatqan zorawanliqlarqa pütünley xatime bérish yolida izchil tirishchanliq körsitilmekte, hemde muhim xizmetler ishlenmekte.

bilimlik, özige ishinidighan melumatliq ayallar dunyani her jehettin téximu tereqqiy qildurush iqtidarigha ige.

dunyaning herqaysi bolung puchqaqlirida yashawatqan barliq ayallarning «8 – mart xelqara xanim - qizlar bayrimi» gha mubarek bolsun!