<aq toghach> ning shipaliq roli

shirnilik we sortluq «aq toghach»  ning peqet «kaz taghliri» dila ösidighan yerlik méwe ikenlikini bilemsiz?

anadoluning gherbide, epsaniwi ismi «ida» bolghan «kaz taghliri» ning shimaliy éteklirige jaylashqan chanaqqele wilayitining bayramich nahiyeside ösidighan «aq toghach», shirnilik bir xil shaptuldur. temi we puriqi bilen bashqa shirnilik türlerge oxshimaydighan bu méwining, «kaz taghliri» din kélidighan orman hawasi we déngizdiki yod we oksigén miqdarining tesiride özgiche tem bar. özgiche iqlimi tüpeyli bu rayonda ösidighan«aq toghach» ning bashqa jayda ösüshi mumkin emes.

renggi, temi we puriqi bilen 2013-yili türkiyede jughrapiyelik körsetküch süpitide «aq bayramich» ismi bilen tizimgha élinghan bu méwe, 2021-yili 16 – aprél küni, yawropa ittipaqining resmiy gézitide élan qilindi we yawropa ittipaqidiki jughrapiyelik körsetküch süpitide tizimgha élinghan türkiyening yettinchi mehsulati bolup qaldi.

 yette ming dönümlük yerde bahar, yaz we küz pesilliride yighiwélinidighan «aq toghach» ning ömri, bashqa shirnilik sortlargha qarighanda uzun bolidu.

xushpuraq terkibi yuqiri bolghan «aq toghach» mukemmel saghlamliq menbesi hésablinidu. oksidlinishqa qarshi turush menbesi bolghan «aq toghach», ösmiler we türlük boghmaq üchey raklirining aldini alalaydighan tebiiy terkiblerge ige bolushtek shipaliq roli sayisida,  oruqlashni xalaydighanlar üchün nahayiti yaxshi méwidur. terkibidiki lutén maddisi sayisida köz saghlamliqini qoghdash roli bar.

«aq toghach», hem térining güzellikige töhpe qoshidu, hemde xushpuraq puriqi etir sanaitidimu ishlitilidu.

ene shundaq alahidilikliri tüpeyli, türkiyening muhim éksport mehsulatlirining biri bolghan bu méwige bolghan telep nahayiti yuqiridur.