dunya kishilik hoquq küni
bügün 12 – dékabir dunya kishilik hoquq künidur.
pütkül insaniyetning erkin we barawer bolidighanliqi chüshenchisige asasen, birleshken döletler teshkilati omumiy kéngishi, 1948-yili 10-dékabirda bu «künni dunya kishilik hoquq küni» qilip békitti. türkiye 1949-yili aprélda birleshken döletler teshkilati qurulush ehdinamisini imzalidi. türkiye, 1949-yildin buyan her yili 10- dékabirni kishilik hoquq küni süpitide tebriklep kelmekte. kishilik hoquqqa bolghan tonushning ösüshi netijiside, kishilik hoquq küni dunyaning herqaysi jaylirida tebriklinidighan halet shekillendi. ikkinchi dunya urushida hawayi-heweslirining keynige kirip ketken diktatorlarning dunyani halaket yoligha bashlishi, urush, sürgün, irqiy qirghinchiliq we qetliamlarning yüz bérishi qatarliq pajielik hadisiler netijiside, xelqara jemiyet insan insan bolghanliqi üchünla bezi heq-hoquqlargha ige bolushi kérekliki zörüriyini chongqur tonup yetti. künimizdimu keng kölemlik urushlar yüz bermisimu, iraq, süriyege oxshash jaylarda meydangha kelgen toqunushlargha birleshken döletler teshkilatigha oxshash xelqara teshkilatlar xatime bérishke tirishmaqta. dunyaning qandaq yéride bolushtin qetiynezer, toqunush, qalaymiqanchiliq we térrorizim seweb boluwatqan her qandaq kishilik hoquq depsendichilik qilmishlirining burunraq tügishini arzu qilimiz.
