дунйа бойичә әң көп зийарәт қилинидиған 6 - дөләт

биливелиң (13)

1915397
дунйа бойичә әң көп зийарәт қилинидиған 6 - дөләт

дунйа бойичә әң көп зийарәт қилинидиған 6 - дөләт

дунйа бойичә әң көп зийарәт қилинидиған дөләтләр арисида түркийәниң 6-орунда туридиғанлиқини биләмсиз?

бирләшкән дөләтләр тәшкилати дунйа сайаһәт тәшкилатиниң истатистикилиқ мәлуматлириға қариғанда, түркийә, 45 милйондин артуқ зийарәтчи сани билән дунйа бойичә әң көп зийарәт қилинидиған дөләтләр қатаридин орун алидикән.

   тарихий вә мәдәнийәт байлиқлири билән һәйран қаларлиқ түркийәни һәр йили хитайдин русийәгичә, германийәдин иреландийәгичә, җәнубий корейәдин йапонийәгичә 100 дин артуқ дөләттин милйонлиған киши зийарәт қилиду. үч чоң империйәниң пайтәхти болған,  икки қитәгә җайлашқан  дунйадики бирдинбир шәһәр һесаблинидиған истанбул؛ һава рәңлик көркәм деңизи, алтун қумлири билән қапланған саһиллири, тәбиий гүзәлликлири билән анталйа вә муғла؛  бинакарлиқ қурулмиси вә тарихи билән әдирнә, дунйа бойичә әң көп зийарәт қилинидиған 100 муһим шәһәр қатаридин орун алиду.

     түркийәдә йазлиқ сайаһәттин қишлиқ тәнһәрикәтләргичә, тәбиәт, мәдәнийәт, етиқад, тәнтәрбийә, сағламлиқ вә қурултай сайаһәтлиригичә болған барлиқ сайаһәт саһәлиридә паалийәт елип берилиду. шуниң билән бир вақитта, мислисиз тарих хәзиниси һесаблинидиған, қәдимки дәврләрдин тартип һазирғичә нурғун мәдәнийәтләр барлиққа кәлгән вә һөкүм сүргән түркийә, бағриға бесип йатқан мәдәнийәт байлиқи җәһәттә дунйадики кәм учрайдиған дөләтләрдин биридур. бирләшкән дөләтләр тәшкилати маарип, илим-пән вә мәдәнийәт оргини (UNESCO) ниң «дунйа мәдәнийәт мираслири тизимлики» дә, түркийәдин 17 сии мәдәнийәт, 2 си арилашма болуп, җәмий 19 мәдәнийәт мираслири бар. «дунйа мәдәнийәт мираслири вақитлиқ тизимлики» дә болса, түркийәниң 7си мәдәнийәт, 4 и арилашма, 3 и тәбиий болуп, җәмий 84 мираси бар.



مۇناسىۋەتلىك خەۋەرلەر