penche qilich hawa herikiti

küntertip we analiz (13)

1910759
penche qilich hawa herikiti

penche qilich hawa herikiti

 penche qilich hawa herikiti

küntertip we analiz (13)

(jan ajun)

hörmetlik radiyo anglighuchilar! «küntertip we analiz» namliq pirogrammimizning bügünki bölümide siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «penche qilich hawa herikiti» témiliq analizni diqqitinglargha sunimiz.

***** ** **** *** *** ****

térorluq teshkilati p k k ning süriyediki tarmaq teshkilati y p g ni ishlitish arqiliq istanbulda élip barghan térorluq hujumidin kéyin, türkiye kütülginidek jazalash herikitini bashlidi. dölet mudapie ministirliqining bayanatigha asaslanghanda, türkiye qisimliri penche qilich hawa herikitini bashlap, süriye we iraqtiki p k k/ y p g   nishanlirini bombardiman qilghan. hazirgha qeder 500 ge yéqin nishan pachaqlap tashlanghan we 250 etrapida teshkilat ezasi ujuqturulghan. heriket 1200 kilomitirliq chégra liniyesi we 150 kilomitir chongqurluqtin teshkil tapqan intayin keng rayonni öz ichige alghan. p k k/ y p g ning qanchiliq alaqzadilikke chüshkenliki melum.

türkiye armiyesi iraq we süriyide heriket élip bériwatqan we türkiye istixbarat teshkilati biwasite térrorluq kattiwashlirini hujum nisani qiliwatqan bir peytte térorluq teshkilati p k k künséri bulunggha qistilishqa bashlighan, bolupmu iraqning shimalidiki zap rayonida intayin éghir yoqutushqa uchrap, özlirige nisbeten tolimu istratégiyilik rayondin ayrilip qalghan idi. bu ehwalni hezim qilalmighan térorluq teshkilati öch élish üchün heriket qilip, bolupmu türkiyening chong sheherliride paaliyet qilishning koyida bolmaqta idi. gerche nurghunlighan térorluq urunushliri tosup qilinghan bolsimu, emma axirida istanbul taqsimda bomba bilen térrorluq hujumi élip bérip, nurghun puqralaning ölüshini keltürüp chiqardi.

türkiye bu hujumgha qattiq jawap qayturup, «penche qilich hawa herikiti» namliq jazalash herikitini bashlidi. iraq we süriyede birla waqitta élip bérilghan bu heriket dairiside, 1200 kilométirliq chégra liniyesi we 150 kilomitir chongqurluqqa sozulghan keng rayongha hawadin hujum qildi. dölet mudapie ministirliqining bayanatigha asaslanghanda, deslepki 3 künde jemiy 500 nishan pachaqlap tashlinip, texminen 250 p k k térorchisi ujuqturuldi. tél rifat, menbich, ayn el ereb, eyn eysa, kamishli we malikiye qatarliq rayonlardin tartip, iraqta hakurk, qandil we asosqicha bolghan rayonlar hujum nishani qilindi. p k k/y p g ningmu bunche keng kölemlik jazalash herikitini mölcherlimigenliki, éghir yoqutushlar astida wehimige qattiq chüshkenliki melum.

onlighan urush ayropilani we qoralliq uchquchisiz ayropilanlar arqiliq térrorluq teshkilatining qomandanliq merkezliri, herbiy baziliri, meshiq rayonliri, oq dora iskilatliri we tonél liniyeliri pachaqlap tashlandi. türkiye qisimliri tunji qétim süriyediki p k k/y p g ning énérgiye ul esliheliri we munasiwetlik muessiselirige zerbe bérishni bashlidi. bolupmu malikiye-kamishli liniyesidiki néfit quduqliri, néfit ayrish zawuti we tebiiy gaz saheliri pachaqlap tashlandi.  75 kilomitir chongqurluqtiki deyr ezzor rayoni hujum nishani qilinish bilen bir waqitta, p k k/y p g ning <y a t> namliq amérika eskerliri teripidin terbiyligen éléméntlirining bash qomandanliq merkizimu qoralliq uchquchisiz ayropilan arqiliq bitchit qilindi.

 türkiye hawadin we quruqluqtin p k k/y p g gha omumyüzlük jazalash herikitini dawamlashturmaqta, emma térorluq teshkilatimu puqralarni hujum nishani qilish arqiliq jawab qayturushning koyida yürmekte. eyn el-ereb rayonidin karkamish rayonida puqralargha hujum qilghanliqini, andin azez shehiriningmu hujum nishani qilinghanliqini körduq. herbiy jehette türkiye armiyesi aldida mewjutluqini saqlap qalalmighan térrorluq teshkilati puqralarni hujum nishani qilip, özini körsetmekchi bolmaqta. lékin puqralargha qaritilghan bu hujumlar türkiyening térorluqqa qarshi turush iradisini téximu ashurmaqta.

jumhur reis erdoghan axirqi bayanatida qaytidin quruqluq herikitiningmu signalini berdi. erdoghan bir mezgil ilgiri quruqluq herikiti toghrisida bayanat élan qilghan bolup, emma putinning beshshar esed hakimiyiti bilen körüshüsh teklipini qobul qilip heriketni toxtitip turghan idi. bu ariliqta suriye hakimiyiti bilen héchqandaq ilgirilesh bolmidi. shuningdek bu qétimliq hawa herikitide p k k terepte turghan nurghunlighan süriye hökümiti eskerlirimu öltürüldi. axirida, türkiye dölet bixeterlikini kücheytish we hujumlarni pütünley toxtitish üchün keng kölemlik quruqluq heriketliri arqiliq p k k ni chégra liniyesidin pütünley süpürüp tashlashqa mejbur.

xelqara sharait türkiyege paydiliq boluwatqan mushundaq bir peytte, türkiye armiyesining quruqluqtin herket bashlash mumkinliki intayin yuqiri. birinchi hujum nishani qilinidighan rayonlar tél rifar, manbij we eyn el ereb bolghusi.

 


خەتكۈچ: #küntertip we analiz

مۇناسىۋەتلىك خەۋەرلەر